1.Korinther 16 vo 16
- von Rico Loosli 6934 Bioggio
-
Zugriffe: 491
1.Korinther 16 vo 16
16:1 Was nun die Sammlig für die Heilige betrifft, chönd ihr eu a die Aawisige halte, wo ich de Versammlige vo Galạtien geh han.
2 Am erste Tag jede Wuche söll jede vo euch je nach sinere Verhältniss öppis bisitelege, damit kei Sammlige stattfinde, wenn ich chume.
3 Wenn i aba do bi, wirde i de Männa, de ihr in äire Brief gregä, mit äire Liebesgabe nach Jerusalem schicke.
4 Falls es jedoch ratsam erschiint, dass ich ebefalls döt ane gang, werde mir zäme gah.
5 Ich chum zu eu wenn ich dur Mazedọnie greist bin - ich wird nämlich dur Mazedọnie reise,
6 und velicht bliib ich es Wiili oder verbring ich sogar de Winter bi öi. Dänn chönd ihr mich es Stück uf mim wiitere Weg begleite.
7 Ich wöt nöd jetzt bi eu verbi luege, denn das wär nur uf de durchreis. Ich hoffe dasi chli Ziit mit eu verbringe chan wenn Jehova es zuelaht.
8 Aber bis zum Pfingstfest bliibi in Ẹphesus,
9 denn mir het sich e grossi Tür göffnet wo zur Tätigkeit füehrt, allerdings gits viel Gegner.
10 Falls de Timọtheus iitrifft, sorgt defür das er under eu nüt z befürchte het, denn er verrichtet wie ich s Werk Jehovas.
11 Deshalb söll niemert uf ihn abseh. Schicked en dänn in Friede wiiter, damit er zu mir chan cho, denn ich erwarte ihn zäme mit de Brüedere.
12 Was nun euse Brüeder Apọllos agaht, so han ich ihn idringlich bätte mit de Brüedere zu eu z'cho. Er het nöd vor gha, jetzt zu eu z'cho, doch er wird's mache, wenn er d'Glegeheit het.
13 Bliibt wach, sind standhaft im Glaube, sind muetig, werded starch.
14 Alles wo ihr mached sölled mit Liebi gscheh.
15 Nun hani no e dringendi Bitte, Brüedere: Ihr wüssed, dass Stẹphanas und sini Husgmeinschaft d Erschtling us Achạia sind und dass sie sich am Dienst für die Heilige widded.
16 Ordnet au ihr eu so lüt under sowie jedem wo mitwirkt und hert schaffet.
17 Ich freu mich über d Aweseheit vo Stẹphanas, Fortunạtus und Achạikus, denn sie sind en Entschädigung defür, dass ihr nöd da sind.
18 Sie hend mir und eu neui Chraft geh. Deshalb schenkt so Mensche Anerkennig.
19 Die Versammlige in de Provinz Asie schicked eu ihri Grüesse. Ạquila und Prịskas wie au d Versammlig i ihrem Huust grüessed eu herzlich im Herrn.
20 Alli Brüeder grüessed eu. Gruessed enand mit heiligem Kuss.
21 Ich, Paulus, schrieb eui do e Gruess.
22 Wer de Herr nöd innig liebt, sell verfluecht sii. Chum, üse Herr!
23 Die unverdiente Güte vom Herr Jesus söll eu begleite.
24 Mini Liebi söll eu alli, wo ihr mit Christus Jesus verbunde sind, begleite.