5.Moses 20 vo 34

5.Moses 20 vo 34

20:1 Falls geg dini Feind in Chrieg ziehsch und ihri Pferd und Wage und Truppene gsehsch, die zahlriicher sind als dini, denn han kei Angst vor ihne, denn Jehova, din Gott wo dich us Ägypte usegfüehrt het, staht dir bi.

2 Wänner zur Schlacht usruckt söll de Prieschter cho und sich as Volk wändä.

3 Er söll säge: 'Höre, Israel! Ihr kämpfet jetzt gege eui feind. Verlüret nöd de Muet. Het kei angst, gratet nöd in Panik und zitteret nöd vor ihne,

4 denn Jehova, euer Gott, zieht mit eu, um für eu geg eui Gegner z kämpfe und eu z rette.'

5 Au d Beamte sölled mit em Volk rede und säge: 'Wer het es neus Huus baut und es nonig igweiht? Er söll zu sim Huus zrugg go, susch stirbt er villicht i de Schlacht, und en andere wiichts ii.

6 Wer het en Wigarte apflanzt und ihn nonig gnutzt? Er söll hei gah, susch stirbt er villicht in Schlacht, und en andere nutzt ihn.

7 Und wer het sich mitere Frau verlobt und sie nanig ghürate? Er söll hei gah, susch stirbt er womöglich i de Schlacht, und en andere hürate sie.'

8 Die Beamten sollen das Volk auch fragen: 'Wer hat Angst? Wem fehlt de Mut? Er söll hei gah, damit er nöd au sini Brüedere muetlos macht.

9 Nachdem die Beamte mit em Volk gredet hend sölleds Heerführer ad Spitze vom Volk stelle.

10 Bevor du e Stadt agriffsch, söllsch ihre es Friedensagebot mache.

11 Wenn sie druf igaht und dir ihri Tore öffnet, chasch alli wo dete zfinde sind, zur Zwangsarbeit anezieh, und sie sölled dir diine.

12 Wet sie aber kein Friede schlüsse, sondern füehrt mit dir Chrieg, denn belager sie.

13 Jehova, din Gott, wird sie ganz bestimmt i dini Hand geh, und du söllsch det alles wo männlich isch mit em Schwert umbringe.

14 Die Fraue, d Chind, s Vieh und alles wo ide Stadt isch, die ganz Büüti vo det, chasch aber für dich näh. Du chasch esse was du bi dine Feind erbeutisch, alles wo Jehova din Gott, dir gä het.

15 So söllsch du mit allne wiit entfernte Städt verfahre wo nöd zu de Städt vo de Volk i de nöchi ghöred.

16 Doch i de Städt vo dere Völker, d Jehova, din Gott, dir als Erbe git, dörfsch nüt wo schnufe, am Läbe lah.

17 vielmeh sölsch d Hethịter, d Amorịter, d Kanaanịter, d Perisịter, d Hiwịter und d Jebusịter restlos vernichte wie Jehova, din Gott, es dir uftreit het.

18 Denn chönds dich nöd all die Abscheulichkeite lehre, wo sie für ihri Götter praktiziert händ, und dich nöd dezue bringed, gege din Gott Jehova z'sündige.

19 Falls du e Stadt belagersch um sie izneh und du scho längeri Ziit gege sie kämpfsch dörfsch die Axt nöd gege die Bäum det schwinge. Chasch dervo ässe aber döfsch sie ned umehaue. Wotsch öppe en Baum uf em Feld belegge als wär er en Mensch?

20 Du dörfsch nur Bäum fäll wo du weisch, dass sie nöd zur Nahrig diened. Du chasch sie umhaue und demit um die Stadt wo mit dir Chrieg füehrt Belagerigsalage baue bis sie fallt.