Die Psalme 114 bis 150

D Psalme 114 bis 150

114:1 Als Israel us Ägypte uszoge,

wo s Huus Jakob vomene Volk mit frömde Sproch wägzoge het,

 2 da isch Juda Gottes Heiligtum worde,

Israel sis Herrschaftsgebiet.

 3 S Meer hets gseh und ergriffe d Flucht.

De Jordan isch sich zrugg.

 4 D Berge gumpet wie Schafböck,

d Hügel wie Lämmer.

 5 Warum bisch gflohe, o Meer?

Warum, o Jordan bisch zrugggwiche?

 6 Warum sind ihr umegumpet wie Schafböck ihr Bärge,

wie Lämmer, ihr Hügel?

 7 Zittere, o Erde, wäg em Herr,

wägem Gott Jakobs,

 8 wo de Felse in en schilfbewachsene Wasserteich verwandlet,

s Chieselgestei in Wasserquelle.