Die Psalme 143 bis 150
- von Rico Loosli 6934 Bioggio
-
Zugriffe: 225
Die Psalme 143 bis 150
Es Musigstück vom David.
143 O Jehova, los mis Gebet.
Höred uf miin Hilferuf.
Antwort mir in dinere Treue und in dinere Grechtigkeit.
2 Gang mit dim Diener nöd is Gricht,
dänn käi Läbände chan vor dir rächt sii.
3 De Feind verfolgt mi.
Er hät mis Läbe am Bode verträtte.
Er hät mi im Finstern wohne loo wie die längst Verstorbene.
4 Mini Chraft verseit.
Mis Herz i mir isch betäubt.
5 Ich denke a vergangeni Ziite zru.
Über all dis Tue dänk ich intensiv nach.
Begeisteret studier ich das Werk vo dinere Händ.
6 Zu dir erheb ich mini Händ.
Ich bin wie ustrocknetes Land wo nach dir dürstet. sela
7 Schnell, antwort mer, o Jehova!
Mini Chraft isch z'End gange.
Verbirg dis gsicht nöd vor mir,
suscht werdi wie die wo is grab anegönd.
8 Am Morge lahn mich vo dinere loyale Liebi ghöre,
dänn uf Dich vertrau ich.
Loh mi de wäg wüsse wo ich gah söll,
den a dich wänd ich mich.
9 Rette mi vor mine Feind, o Jehova.
Bi dir suech ich Schutz.
10 Lehr mich din Wille z erfülle,
denn dü bisch mi Gott.
Din Geist isch guet.
Er füer mi uf ebeem Bode.
11 Dinem Name zliebi, o Jehova, erhaltet mich am Läbe.
Rette mi us de Not i dinere Grechtigkeit.
12 I dinere loyale Liebi mach min Find es Endi.
Vernicht alli wo mir s lebe schwer mached,
Denn ich bin din Diener.