Die Psalme 61 bis 150
- von Rico Loosli 6934 Bioggio
-
Zugriffe: 119
Psalme 61 bis 150
Für de musikalischi Leiter. Mit Saiteninstrument z begleite. Vo David.
61:1 Los, o Gott, min Hilferuf.
Achti doch uf mis Gebet.
2 Vo de Ändi vo de Erde werd ich zu dir schreie,
wänn mis Herz in Verzwiiflig isch.
Führ mi uf en Felse wo höcher isch als ich.
3 Denn du bisch mini Zueflucht,
en starche Turm wo mich vor em Feind schützt.
4 Ich wird für immer zu Gast sii i dim Zelt.
Im Schutz vo dinere Flügel wird ich Zueflucht sueche. Sela
5 Denn du, o Gott, hesch mini Gelübde ghört.
Du hesch mer s Erbe vo dene gäh wo Ehrfurcht vor dim Name händ.
6 Em Lebe vom König wirsch Tage hinzuefüege
und sini Jahr werded vo Generation zu Generation duure.
7 Für immer wird er vor Gott throne.
Schänk im loyali Liebi und Treue als Schutz.
8 Dänn wird ich uf ewig zur Ehr vu dim Name Lieder singe,
während ich mini Glüebdi Tag für Tag erfülle.