Die Psalme 64 bis 150
- von Rico Loosli 6934 Bioggio
-
Zugriffe: 114
Psalme 64 bis 150
Für de musikalisch Leiter. E Musigstück vo David.
64 Hör mini stimm, o Gott, weni di aflege.
Schütz mis Läbe vorem Schrecke vom Find.
2 Schirm mich ab geg die heimliche Plän vo de Böse,
gäge die Mängi vo dene wo verchehrt handle.
3 Ihri Zunge schärfeds wie es Schwert.
Mit ihrne giftige Wort ziiled si wie mit Pfiile,
4 um vo ihrem Versteck us uf de Unschuldige z schiesse.
Ganz plötzlich schüsseds uf ihn, ohni sich z'fürchte.
5 Sie bliibed bi ihre böse Absicht,
beratschlage wie sie ihri Falle verstecke chönd.
"Wer wird si scho gseh?", segeds.
6 Si brüete neui Schlächtigkeite uus,
leged sich heimlich ihri raffinierti Strategie zrecht.
Die Gedanke im Herze eis jede sind unergründbar.
7 Doch Gott wird uf sie schüsse.
Ganz plötzlich werded sie vomene Pfiil verwundet.
8 Ihri eigeti Zunge wird ihren Sturz verursache.
Alli wo zuelueged werded de Chopf schüttle.
9 Alli Mänsche werded den Angscht übercho
und verkündet, was Gott gmacht het.
Sie werded Iblick i sini Tate ha.
10 De Grechte wird Freud a Jehova ha und bi ihm Schutz sueche.
Alli vo Herze Ufrichtige werded juble.