Die Psalme 85 bis 150
- von Rico Loosli 6934 Bioggio
-
Zugriffe: 119
D Psalme 85 bis 150
Für de musikalisch Leiter. Vo de Söhn Kọrahs. E Musigstück.
85:1 Du hesch dim Land Gunst gschenkt, o Jehova.
Die vo Jakob wo gfange gsi sind hesch zrugführt.
2 Du hesch s Vergehe vo dim Volk verzieh.
Sini ganzi Sünd häsch vergä. Sela
3 All dine Zorn hesch zrugg ghalte,
dich vo dim glühende Zorn abgwandt.
4 Bring eus i eusne früehere Zuestand zrug, o Gott eusere Rettig,
rück ab dinere Unzfriedeheit mit eus.
5 Wirsch für immer ufbrocht über eus sii?
Wirsch din Zorn uf e Generation nach de andere usdehne?
6 Wirsch eus nöd wieder belebe,
demit sich dis Volk deswege freut?
7 Zeig eus deine loyale liebe o Jehova,
und lönd ois Rettig zuecho.
8 Ich wird ghöre was de wahri Gott Jehova seit,
Denn na wird zue sinem Volk, sinem Loyale, vu Friede schwätze,
aber sie sölled nöd wieder zu selbstsicher werde.
9 Gwüss isch sini Rettig dene nöch wo Ehrfurcht vor ihm händ,
demit sini Herrlichkeit i eusem Land chan wohne.
10 Loyali Liebi und Treue werded sich begägne.
Gerechtigkeit und Friede, sie werded sich chüsse.
11 Treue wird us de Erde gspriesse,
und Gerechtigkeit, vom Himmel wird sie abeblicke.
12 ja, Jehova wird Guets gäh,
und euses Land wird sini Ernte liefere.
13 Gerechtigkeit wird vor ihm hergah
und sin Schritt en Wäg banne.