Die Psalme 97 bis 150
- von Rico Loosli 6934 Bioggio
-
Zugriffe: 122
Psalme 97 bis 150
97:1 Jehova isch Chönig worde!
D Erde söll sich freue.
Die viele Insle sölled juble.
2 Wulche und dichts Dunkel umgäbed en.
Gerechtigkeit und Rächt sind s Fundament vo sim Thron.
3 Füür zieht vor ihm her
und frisst sini Gägner ringsum uf.
4 Sini Blitz händ s Land erlüücht.
D Erde gsehts und zitteret.
5 D Berge schmelzed wie Wachs vor Jehova,
vorem Herr vo de ganze Erde.
6 De Himmel verkündet sini Grächtigkeit
und alli Völker gsend sini Herrlichkeit.
7 Alli wo irgenden Götze abätted sölled beschämt dastah,
alli, wo mit ihrne wertlose Götter praled.
Vuneiget äich vor rem, all ihr Götter.
8 Zion hörts und juble.
Die Ort Judas freued sich
über dini Urteilsprüch, o Jehova.
9 Denn du, o Jehova, bisch de Höchsti über die ganz Erde.
Du erhebsch dich wiit über alli andere Götter.
10 Wo ihr Jehova liebt, hasset das Böse.
Er behüetet s Läbe vo sinere Loyale.
Us de Hand vo de Böse befreit er sie.
11 Liecht isch uufgstrahlt für de Grächti
und Freud für die vo Herze Ufrichtige.
12 Händ Freud a Jehova, ihr Grechte,
und preist sin heilige Name.