Hiob 7 vo 42
- von Rico Loosli 6934 Bioggio
-
Zugriffe: 550
Hiob 7 vo 42
7 Isch s Läbe vom stärbliche Mensch uf de Erde nöd wie Zwangsarbet?
Sind sini Täg nöd wie die vomene Lohnarbeiter?
2 Wie en Sklave sehnt er sich nach em Schatte
und wie en Lohnarbeiter wartet er uf sini Bezahlig.
3 So sind mir sinnlosi Mönet beschert worde
und Nächt vom Elend het mer für mich abzellt.
4 Weni mi hinterlege, frögi mi: 'Wenn chani ändlech wider ufstah?'
Doch d Nacht zieht sich ane und ich wälze mich unruhig hi und her bis zur Morgedämmerig.
5 Mis Fleisch isch mit Made und Dreckchlumpe übersät.
Mini Hut isch voller Schorf und Eiter.
6 Mini Täg ziehnd schneller vorüber als es Weberschiffli
und gönd ihrem End ohni Hoffnig entgäge.
7 Dänk dra das mis Lebe Wind isch,
das mis Aug nie wieder Glück wird gseh.
8 Das Aug wo mi jetzt gseht, wird mi nüm erlicke.
Dini Auge werded nach mir sueche, aber ich wird nüm da sii.
9 Wie e Wulche wo sich uflöst und verschwindet,
so wird de wo is Grab gaht nöd wieder ufechoo.
10 Er wird nümm zu sim Huus zruggkehre
und a sim Ort bringt mer ihm kei Anerkennig meh entgege.
11 Darum wird ich mini Wort nöd zrugghalte.
Im Schmerz vo mim Härz wird ich rede.
In mine Verbitterung wird ich mich beklage.
12 Bin ich s Meer oder es Seeungehüür,
das du mich bewache lahsch?
13 Weni säge: 'Min Diwan wird mi tröste,
mis Bett wird mer mis elend erliechtere',
14 den verschrecksch mi mit Träume
und machsch mer dur Visione Angst,
15 sodass ich Erstickig vorzieh wür,
ja de Tod wär mer lieber als de Körper.
16 Mis Läbe gruset mich aa, ich wott nöd wiiterläbe.
Lah mi in Rueh, denn mini Täg sind wie en Hauch.
17 Was isch de sterblich Mensch das dich für ihn interessiersch
und dini Ufmerksamkeit uf ihn konzentriersch?
18 warum prüefsch en jede Morge
und stellsch en bi jedere Glägeheit uf d Prob?
19 Chasch din Blick nöd vo mir wegwende
und mich wenigstens so lang in Rueh lah bis ich min Speichel abe gschluckt han?
20 Wenn ich gsündigt han, wie chönnt ich dir, em Beobachter vo de Mensche, demit scho schade?
Warum häsch du mich zu dinere Zielschiibe gmacht?
Bini für dich zur Last worde?
21 Warum verzeihsch mer nöd mini überträtig
und gsehsch über mis vergehe hinweg?
Denn bald lig i im Staub,
und du wirsch nach mir sueche aber ich werde nüm da si."