Prediger 12 vo 12

Prediger 12 vo 12

12:1 Denk also a dine grosse Schöpfer i dinere Jugend, bevor die beschwerliche Täg chömed und sich d Jahr iistelled, wo du seisch: "Sie gfalled mer gar nöd",

2 bevor sich d'Sunne und s'Liecht und de Mond und d'Sterne verfinstered und nach em Räge d'Wulche wieder zruggchere,

3 a dem Tag wo d Wächter vom Huus zittrig werded und die starche Männer sich chrümmed und d Fraue ufhöred z mahle, will nur no wenig vo ihne da sind, und die Dame wo us de Fenster lueged s dunkel finde,

4 wänn d Tüüre zu de Stross gschlosse sind, wänn s Grüüsch vo de mahlende Mühl liislig wird, wänn mer bim Luut vome Vogel ufstaht und alli Töchter vom Gsang dämpft töönt.

5 Au fürchtet mer sich vor de Höchi und uf de Stross luure Schrecke. De Mandelbaum treit Blüete, de Grashüpfer schleppt sich det ane und d Kapernbeeri platzt, will de Mensch zu sim bliibende Huus gaht und die Truurende dur d Stross zieh.

6 Bevor die silberne Schnure entfernt und die goldene Schale zerrömmeret wird bevor de Krug a de Quelle zerbroche und s Schöpfrad für d Zischterne zerschlage wird.

7 Denn chehrt de Staub zur Erde zrugg, so wie er gsi isch, und de Geischt kehrt zum wahre Gott zrugg, der en geh het.

8 "Die grösst Sinnlosigkeit", seit de Versammler. "Alles ist sinnlos!"

9 Dä Versammler isch nöd nur wiis worde, sondern er hät s Volk au fortlaufend das glehrt, won er gwüsst hät, und er hät dänkt und gründlichi Nochforschige aagstellt, um villi Sprüch zämme zuestelle.

10 De Versammler bemüht sich aasprechendi Wort z finde und die exakte Wort vo de Wahrheit ufzzeichne.

11 D Wort vo de Wise sind wie Ochsestachle und iri Sprüch Sammlige wie fescht igschlageni Nägel gä vomene einzige Hirte.

12 Lah dich vor allem, was drüber usegoht, warned, min Sohn: S Schriibe viel Büecher wird nie ufhöre, und sich ihne viel z widme, ermüedet de Körper.

13 S Fazit nachdem mer alles ghört het isch: Heb Ehrfurcht vorem wahre Gott und heb sini Gebot – das isch die ganzi Pflicht vom Mensch.

14 Denn de wahri Gott wird iba jedi Tat Gricht hebe, au iba alles Verborgeni, um drüber z Urteile, obs guet oder schlächt isch.