1.Korinther 6 vo 16

1.Korinther 6 vo 16

6:1 Wägs öpper vo eu wo en Striitfall miteme andere het, vor ungrächti Mänsche vor Gricht z'gah und nöd vor die Heilige?

2 Wüssed ihr denn nöd, dass die Heilige über d Welt Gricht halte werded? Und wenn ihr über d Welt Gricht halte solltet, sind ihr da nöd i de Lag, ganz gringfüegigi Aaglegeheite z verhandle?

3 Wüssed ihr nöd, dass mir über Engel Gricht halte werded? Warum also nöd über Aaglägeheite vom Lebe?

4 Wänn ihr jetzt Aaglegeheite vo dem Läbe z verhandle händ, setzet ihr da Männer als Richter ii, wo mer i de Versammlig herablickt?

5 Ich säg das zum eu beschämme. Gits nöd en einzige wiise Mensche under eu, wo zwüsched sine Brüedere chan Recht rede?

6 Stattdesse zieht en Brüeder gäg de andere vor Gricht, und das au no vor Ungläubigi!

7 Eigentlich isches scho e Niederlag für eu, dass ihr gägenand Prozess füehred. Warum lönd ihr eu nöd lieber unrecht tue? Warum lönd ihr eu nöd lieber betrüge?

8 Stattdesse tüend ihr Unrecht und betrügt, und das mached ihr au na mit eune Brüedere!

9 Wüssed ihr denn nöd, dass Ungrecht s Königrich Gottes nöd erbe werdet? Lönd eu nöd tüüsche: Persone wo sexuell unmoralisch handled, Götzendiener, Ehebrächer, Männer wo sich für homosexuelli Handlige hergänd, Männer wo Homosexualität praktiziered,

10 Diebe, Habgierige, Trinker, Mensche wo anderi übel beschimpfed und Erprässer werded Gottes Königrich nöd erbe.

11Und doch sind s einige vo eui gsi. Aber ihr sid rein gwäsche worde, ihr sid gheiligt worde, ihr sid für Grecht erklärt worde im Name vum Herr Jesus Chrischtus un mit däm Geischt euses Gottes.

12 Mir isch alles erlaubt, aber nöd alles isch vo Vorteil. Mir isch alles erlaubt, aber ich will mich vo nüt beherrsche loh.

13 S'Ässe isch für de Mage da und de Mage fürs Esse, doch Gott wird beidem es End mache. De Körper isch nöd für sexuelli Unmoral da, sondern für de Herr, und de Herr isch für de Körper da.

14 Gott het aber de Herr uferweckt und wird au euis dur sini Macht uferwecke.

15 Wüssed ihr nit, dass euri Körper Teile vum Körper vu Chrischtus sind? Söll i denn de Körperteil vum Chrischtus wägneh und sie mit ere Prostituierte vereinige? Niemals!

16 Wüssed ihr nöd, dass jede wo mit enere Prostituierte verbunde isch en Körper mit ihr isch? Denn "die beiden", so sagt er, "werden eins sein".

17 Wer degege mit em Herr verbunde isch, isch mit em eis im Geischt.

18 Flieht vor sexueller Unmoral! Jedi anderi Sünd wo en Mensch begaht isch userhalb vo sim Körper, wer aber sexuelli Unmoral tribt, sündiget gege sin eigene Körper.

19 Wisse ihr nit, dass äiri Körper vu d Tempel vum heilige Geischt in äich isch, den ihr vu Gott hän? Au ghärt ihr nit äich selbscht,

20 den ihr sind für en priis freigekauft worde. Verherrlicht also Gott in eurem Körper.