1.Korinther 5 vo 16

1.Korinther 5 vo 16

5:1 Tatsächlich wird vo sexueller Unmoral under eu brichtet, und zwar vo sonere Unmoral, wies sie nöd mal under Ungläubige git nämli das en Maa mit de Frau vo sim Vater zemelebt.

2 Sind ihr druf stolz? Söttet ihr nöd eher truurig sii und de Maa wo die Tat begange het us eure Mitti entferne?

3 Ich bin zwar körperlich abwesend, aber im Geist bin ich awesend, und ich han mis Urteil über de Maa wo das gmacht het, bereits gfallt, so als wäri bi eu.

4 Wänn ihr im Name vo üsem Herr Jesus versammlet sind – i dem Bewusstsii, dass ich im Geischt mit de Kraft vo eusem Herr Jesus bi eu bin,

5 dänn übergebt sonen Mänsch zur Besitig vom sündige Iifluss em Satan, damit de Geist am Tag vom Herr grettet wird.

6 Euere Prahle isch nöd guet. Wüssed ihr nöd, dass chli Suurteig die ganz Teigmasse dursüred?

7 Entfernt de alt Suurteig, damit ihr e neui Masse sind – ungsüred, wie ihrs ja sind. Denn de Christus, euses Passahlamm, isch tatsächlich gopferet worde.

8 Lönd ois s Fäscht also nöd mit altem Surteig begah, au nöd mit Surteig vo de Schlächtigkeit und Bosheit, sondern mit ungsäuertem Brot vo de Ufrichtigkeit und Wahrheit.

9 Ich han eu i mim Brief gschriebe, dass ihr mit Mensche wo sexuell unmoralisch handled, kei Umgang meh sötti ha 

10 nöd i dem Sinn, dass ihr eu ganz vo de Mensche vo dere Welt fernhaltet, wo sexuell unmoralisch handled, oder vo Habgierige oder Erpresser oder Götzendierer. Suscht müessted ihr ja us de Wält use gah.

11 Etze aber schribi eu, dass ihr mit öpperem wo Brüeder gnennt wird, kei Umgang meh söt ha, wenn er sexuell unmoralisch handlet, wenn er en habgierige Mensch isch, en Götzendianer, öpper wo ander übel beschimpft, en Trinker oder en Erpresser, dass ihr nöd mal mit so Mensche söll ässe.

12 Denn was ha i dmit z doe, iba de z urteile, de drusse sin? Urteile ihr nit iba de, de drin sin,

13 während Gott über die urteilt wo dusse sind? "Entfernt den schlechten Menschen aus eurer Mitte."