4.Moses 30 vo 36

4.Moses 30 vo 36

30:1 Denn hät Moses zu de Stammesoberhäupter vo Israel gseit: "Jehova hät folgendi Aawiisig geh:

2 Falls en Maa vor Jehova en Gelübde ableit oder schwört, sich es Enthaltigsgelübdi ufzerlege, dörf er sis Wort nöd bräche. Er söll alles mache woner versproche het.

3 Und falls e jungi Frau wo no im Huus vo ihrem Vater läbt, vor Jehova es Gelübde ableit oder sich es Enthaltigsgelübdi uferleit

4 und ihre Vater ihres Gelübde oder s Enthaltigsgelüebdi wo sie sich uferleit het, ghört und nüt degäge iwändet, dänn gälted alli ihri Gelübde und Enthaltigsgälüebdi.

5 Doch wenn ihr Vater vo ihrne Gelübde oder Enthaltigsgälüebde erfahred und sie ihr verbüütet, dänn gälteds nöd. Jehova wird ihre vergäh, wil ihre Vater s verbote hät.

6 Wenn sie jedoch, während sie anes Gelübde oder es überteilts Verspräche bunde isch, hürate

7 und ihre Ma devo ghört und a dem Tag nüt degäge iwändet, dänn söllet ihri Gelübde oder Enthaltigsgelüebdi gälte.

8 Falls ihre Maa ihr aba a däm Tag, an däm er drvu ghärt, verbietet, hebt er ihres Gelübde odr ihr ibaeilte Vuwalta uf, un Jehova wird ihr vergäh.

9 Lit jedoch e Witwe oder e Gschiedeni es Gelübde ab, isch sie a alles bunde, wo sie sich uferleit het.

10 Falls sich e Frau s Gelübde oder s Enthaltigsgelüebde im Huus vo ihrem Ehemannes uferleit het

11 und ihre Maa hets ghört und nüt degäge gha het und kei Iwand vorbrocht het, de söllet alli ihri Gelübde oder Enthaltigsgelüebdi gälte.

12 Falls ihr Maa jedoch die Gelübde oder Enthaltigsgelübdi wos abgleit het a dem Tag woner devo ghört vollständig ufhebt, gälteds nüme. Ihr Maa hät sie uufghobe und Jehova wird ihr vergäh.

13 Jedes Gelübde oder jede Eid wo si globt, uf öppis z verzichte, söll vo ihrem Maa bestätigt oder ufghobe werde.

14 Wen ihr Maa aber im Lauf vo de folgende Täg überhaupt nüt iwändet, bestätigt er alli ihri Gelübde oder Enthaltigsglüebdi. Er bestätigt si, will er a dem Tag woner ghört het, dass sie die abgleit het, kein Iwand vorbrocht het.

15 Hebt er d Gelübde jedoch spöter uf, also einigi Ziit nach dem Tag woner devo ghört het, muess er d Folge vo sinere Frau träge.

16 Das sind d Vorschrifte, wo Jehova Moses gäh het, in Bezug uf en Maa und sini Frau oder en Vater und sini jungi Tochter wo no i sim Huus läbt."