4.Moses 6 vo 36

4.Moses 6 vo 36

6:1 Jehova het wiiter zu Moses gseit:

2 "Red mit de Israelite und teile ihne mit: 'Falls öpper, en Maa oder Frau, es bsunders Gelübde ableit zum als Nasirạ̈era für Jehova z lebe,

3 söll er uf Wii und anderi alkoholischi Getränk verzichte. Er söll kein Essig us Wii oder us anderne alkoholische Getränk trinke. Er darf nüt trinke, wo us Traube gwunne worde isch, und au kei Truube ässe, ob früsch oder trochnet.

4 Während de ganze Ziit vo sim Nasiräạts söll er nüt ässe, wo vom Wyschtock stammt – vo de unreife Truube bis zu de Schale.

5 Die ganz Ziit wo sis Gelübde als Nasirạ̈er gilt, söll kein Schermässer sin Chopf berüere. Solang er für Jehova abgsonderet isch mues er heilig bliibe indem er s Hoor uf sim Chopf wachse laht.

6 Während de ganze Ziit woner für Jehova abgsonderet bliibt, dörf er nöd id nöchi vomene Tote cho.

7 Nöd emol wän si Vater, sini Mueter, sin Brüeder oder sini Schwöschter stirbt, dörf er sich verunreinige, dänn er hät uf sim Chopf s Zeiche dass er en Nasirạ̈er Gottes isch.

8 Die ganz Ziit vo sim Nasiräạts isch er für Jehova heilig.

9 Falls aber ganz plötzlich näb ihm öpper stirbt und er das Haar, wo sini Absonderig für Gott symbolisiert, verunreinigt, mues er am Tag vo de Feschtstellig vo sinere Reinigung sin Chopf schreie. Am siebste Tag söll er en schreie.

10 Am achte Tag söll er zwei Turteltuube oder zwei jungi Tuube zum Prieschter a de Iigang vom Zelt vo de Zämekunft bringe.

11 De Prieschter söll die eint als Sündopfer und die ander als Brandopfer vorbereite und für ihn Sühn leiste, will er sich wegem Tote versündet hät. A dem Tag söll er den sin Chopf heilige.

12 Und er söll sich für d Ziit vo sim Nasiräạts wieder für Jehova absondere und en junge, bis zunes jahr alte Schofbock als en Schuldopfer bringe. Die Ziit devor zellt nöd, will er sich als Nasirạ̈er verunreinigt hät.

13 Folgendes Gsetz gilt für de Nasirạ̈er: Wenn d Ziit vo sim Nasiräạs abgloffe isch, söll er an Iigang vom Zelt vo de Zämekunft brocht werde.

14 Det söll er Jehova sini Opfergabe darbringe: en fehlerlose junge Schafbock als Brandopfer und es fählerloses wiiblichs Lamm als Sündopfer, beidi bis zum es Jahr alt, en fehlerlose Schafbock als Gmeinschaftsopfer,

15 en Chorb ungsäärte Ringbrot us Feinmehl, wo mit Öl vermischt worde isch, ungsüürti, mit Öl bestricheni Fladebrot sowie s dezue ghörige Getreideopfer und d Trankopfer.

16 De Prieschter söll sie vor Jehova darbringe und sin Sündopfer und sin Brandopfer opfere.

17 Er söll Jehova de Schafbock zäme mit em Chorb ungsäuerte Brot als Gmeinschaftsopfer darbringe. Usserdem söll de Prieschter das dezue ghörige Getreideopfer und s Trankopfer darbringe.

18 De Nasirạ̈er söll den s Haar uf sim Chopf am Igang vom Zält vo de Zämekunft abschere und s Haar, wo während sim Nasiräạts gwachse isch, ufs Füür under em Gmeindsopfer lege.

19 De Priester söll e kochti Schultere vo dem Schafbock, es ungsäuerts Ringbrot usem Chorb sowie es ungsäuers Fladebrot neh und alles id Händ vom Nasirạ̈ers lege nachdem dere sich s Zeiche vo sim Nasiräạts het abschere lah.

20 De Prieschter söll alles als Schwingopfer vor Jehova hin und herschwinge. Es isch öppis Heiligs für de Prieschter, ebeso wie de Brust vom Schwingopfer und de Schenkel vom Bitrag. Nochher dörf de Nasirạ̈er Wy trinke.

21 Folgendes Gsetz gilt für de Nasirạ̈er, wo es Gelübde ableit: Wänn er globt und sichs leischte chan, meh für Jehova z'gäh, als sis Nasiräạt erforderet, mues er si Gelübde us Rücksicht ufs Gsetz vom Nasiräạts erfülle.‘“

22 Dänn hät jehova zu Moses gseit:

23 "Teili Aaron und seine Sohn mit: 'So söttet ihr s Volk Israel sege und das söllet ihr säge:

24 "Jehova sign dich und beschütz dich.

25 Jehova laht sis Gsicht über dir lüchte und schänke der sini Gunst.

26 Jehova erheb sis Gsicht zu dir und gib dir Friede.

27 Und sie sölled min name ufs volk Israel lege damit ich es sege."