5.Moses 13 vo 34

5.Moses 13 vo 34

13:1 Agnoh, i dinere Mitti tritt en Prophet uf oder öpper wo ufgrund vo Träum Vorussage macht. Er kündet dir es Zeiche oder es Wunder ah,

2 und das gnannte Zeiche oder Wunder trifft ii, während er seit: 'Chum mir folget andere Götter noch', Götter wo'd nöd kennt hesch, 'und diene.'

3 Denn hör nit uf däne Prophete odr däne Träumer, denn Jehova, di Gott, schtellt di uf d Prob, um z erkenne, ob Jehova, di Gott, mit dim ganze Herze und dinere ganze Seel liebsch.

4 Jehova, euem Gott, sollt ihr folge und vor ihm söllet ihr Ehrfurcht ha, sini Gebot sollt ihr hebe und uf sini Schtimm sollt ihr ghöre. Ihm sölled ihr diene und a ihm sölled ihr eu feschthalte.

5 De Prophet oder de Treumer jedoch söll mit em Tod bestraft werde, denn er het zum Widerstand gege eure Gott Jehova ufgrüeft wo eu us Ägypte usegfüehrt und us de Sklaverei befreit het. Er het äich welle vu däm Wäg abbringe, d Jehova, aicha Gott, äich vorgeh het. Besitigt des Bese üs äire Mitti.

6 Falls din Brüetsch, de Sohn vo dinere Muetter, oder din Sohn, dini Tochter, dini gliebti Frau oder din beschte Fründ dich heimlich verleite will und seit: 'Chum, lah üs andere Götter diene' – Göttere, wo weder du no dini Vorfahre kennt händ,

7 Götter vo de Völker um Dich ume, ob nöch oder fern, vomene Ändi vom Land bis zum andere –,

8i den gib nöd naa und los nöd uf ihn. Er darf dir nöd leid tue. Han kei Mitleid mit ihm und schütz en nöd.

9 Vielmehr sellsch en unbedingt umbringe. Du söllsch als Erster dini Hand erhebe zum ihn töte, nachher söll sich s ganze Volk beteilige.

10 Bewirf ihn mit Stei bis er tot isch, denn er het versuecht dich vo dim Gott Jehova abzbringe wo dich us de Sklaverei in Ägypte usegfüehrt het.

11 Ganz Israel wird den devo ghöre und sich fürchte und i dinere Mitti wird nie wieder so öppis schlechts tue.

12 Falls in einere vo de Städt, d Jehova, din Gott, dich innä laht, devo ghörsch,

13 dass nutzlosi manne us dinere mitti ufträtte sind, um d bewohner vo ihrere stadt vo Gott abzbringe, und säge: 'Chömed, lönd ois andere Götter diene' – Götterli, wo de nöd kennt hesch –,

14 den untersuech d Aglegeheit, stell gründlichi Nachforschige aa und erkundig dich genau. Bestätigets sich, dass bi dir tatsächlich so öppis abscheulichs vorcho isch,

15 dänn söllsch d Bewohner vo däre Stadt unbedingt mit äm Schwert töte. Du muesch d Stadt und alles in ihre – au s Veh - mit em Schwert räschtlos vernichte.

16 Trag dänn die gsamti Büüs zmitzt uf ihrem öffentliche Platz zämme und steck d Stadt in Brand. D Büt söll als Ganzopfer für Jehova, din Gott, diene. D Stadt söll uf Duur en Trümmerhuufe sii und nie wieder uufbaut werde.

17 Darfsch nüt näh, was für d vernichtig bestimmt worde isch, demit Jehova vo sim glüehende Zorn abloht und dir Barmherzigkeit und Mitgefühl zeigt und dich zahlrich werde laht, wie ers din Vorfahre gschwore hät.

18 Denn dü sollsch uf Jehova, di Gott, lose und alli sini Gebot halte wo i dir höt gib. So duesch was in de Auge vu dinem Gott Jehova richtig isch.