5.Moses 6 vo 34

5.Moses 6 vo 34

6:1 Das jetzt sind d Gebot, d Vorschrifte und Rächtsentscheidige, d Jehova, eu Gott, mir gä het, um sie eu z lehre, damit ihr sie i dem Land befolged, in das ihr überezieht, zums in Bsitz näh.

2 Du söllsch jede Tag dis Läbe vor Jehova, dim Gott, Ehrfurcht ha und alli sini Bestimmige und Gebot halte wo ich dir gib – du, din Sohn und din Änkel, damit du lang lebsch.

3 Und du Israel, söllsch zuelose und sie genau beachte damit es dir guet gaht und du i dem Land wo Milch und Honig flüssed, sehr zahlrich wirsch wie Jehova, de Gott vo dine Vorfahre, es dir versproche het.

4 Hör, Israel: Jehova isch euses Gott, es git nur en Jehova.

5 Liebi Jehova, diin Gott, mit dim ganze Herze, dinere ganze Seel und dinere ganze Chraft.

6 Die Gebot wo ich dir hüt gib, sölled i dim Herze sii,

7 und du söllsch sie dine Chind iischärfe und devo rede, wänn du i dim Huus hocksch und wänn du uf em Wäg gasch, wänn du dich anelahsch und wänn du ufstahsch.

8 Bind sie der als Erinnerig ad Hand und sie sölled wie en Stirnband uf dinere Stirn sii.

9 Schrib sie uf d Türpfoschte vo dim Huus und a dini Tore.

10 Wenn Jehova, di Gott, dich in das Land bringt, wo er dir wird ge, wie er's din Vorfahre Abraham, Isaak und Jakob gschwore hät, - es Land mit grosse, schöne Städt wo Du nöd baut häsch,

11 mit Hüser voll vo allerlei guete Sache, für die du nöd gschaffet hesch, mit Zischterne wo nöd usghaue hesch, mit Wygärte und Olivebäum wo du nöd pflanzt hesch – und wenn du gässe hesch und satt worde bisch,

12 den achti druf, dass du Jehova nöd vergissisch, wo dich us de Sklaverei in Ägypte usegfüehrt het.

13 Vor Jehova, dim Gott, söllsch Ehrfurcht ha und ihm söllsch diene und bi sim Name söllsch schwöre.

14 lauf nöd andere Götter nach, irgendwelche Götter vo de Völker wo um dich ume sind,

15 den Jehova din gott wo i dinere mitti isch verlangt das mer nur ihm allei ergeh isch. Andernfalls wird de Zorn Jehovas, dim Gottes, gege dich ufflamme und er wird dich uf de Erdoberflächi uslösche.

16 Du söllsch din Gott Jehova ned uf d Prob stelle wie du es in Mạssa do hesch.

17 Halt dich sorgfältig a d'Bot vu dim Gott Jehova und a die Erinnerige und Vorschrifte, wo er dir gäh het.

18 Tu was in Jehovas Auge guet und richtig isch damits dir guet gaht und du i das guete Land wo Jehova dine vorfahre dur en eid zuegsicheret het izieh und es chasch in Bsitz neh,

19 idem alli dini Feind vor dir vertribsch so wie Jehova es gseit het.

20 Wenn din Sohn dich in Zuekunft fragt: 'Was bedütet die Erinnerige, d Vorschrifte und d Rächtsentscheidige, d Jehova, euse Gott eu gä het?',

21 den antwort deinem Sohn: 'Mir sind Sklave vom Pharao in Ägypte worde, aber Jehova het eus mit starker Hand us Ägypte usegfüehrt.

22 Jehova hät vor oisne Auge immer wieder grossi, verheerendi Zeiche und Wunder a Ägypte, am Pharao und a siire ganze Huusgmeinschaft gschafft.

23 Er het eus vo det us gfüehrt zum eus daherzbringe und eus s Land z geh, das er eusne Vorfahre dur en Eid zuegsicheret het.

24 Denn wies eus Jehova aa, all die Vorschrifte umzsetze und Ehrfurcht vor Jehova, oisem Gott, zha, damits eus uf Duur guet gaht und demit mer am Läbe chönd bliibe, wie es ja hüt de Fall isch.

25 Es wird eus als Gerechtigkeit aagrechnet wemmer us Gehorsam gegenüber Jehova, eusem Gott, alli die Gebot genau befolge, so wie ers eus uftreit het.'