D Psalme 90 bis 150

D Psalme 90 bis 150

VIERTS BUECH

(Psalm 90-106)

Es Gebet vo Moses, em Maa vum wahre Gott

90:1 O Jehova, alli Generatione durre bisch du eusi Wohnig gsi.

 2 Ehe die Berge gebore worde sind,

ehe du die Ärdä und das fruchtbari Land hervorbracht hesch,

ja vo Ewigkeit zu Ewigkeit bisch du Gott.

 3 De sterbliche Mänsche lahsch zum Staub zrugkehre.

Du seisch: "Kehret zrugg, ihr Mänschesöhn!

 4 Denn 1000 Jahr sind i dine Auge nur wie de gestrig Tag wenn er vergange isch,

wie e Wach i de Nacht.

 5 Du spülsch sie furt wie en blöde Schlaf werdet sie.

Am Morge sinds wie grüens Gras wo sprützt.

 6 Am Morge blüets und isch wieder frisch,

doch am Abig verwelkt und vertrocknets.

 7 Denn mir vergönd dur din Zorn,

ja din Zorn macht eus Angst.

 8 Du leisch eusi Vergehe vor dich

und s'Lüchte vo dim Gsicht deckt öisi Gheimniss uf.

 9 Eusi Täg verrinne wäg dim Zorn.

Wie en Süüfzer vergönd öisi Jahr.

10 Euses Läbe duuret 70 Jahr

oder 80m bi bsunderere Chraft.

Doch sie sind voller Problem und Chummer.

Schnell sinds verbii und mir vergönd wie im Flug.

11 Wer chan die Sterchi vo dim Zorn ergründe?

Dis Zorn isch so gross wie d Ehrfurcht wo du verdiensch.

12 Bring eus bi wie mir eusi Täg sölled zelle,

demit mer es wiises Herz bechömed.

13 Chehr zrugg, o Jehova! Wie lang gahts no?

Han Mitleid mit dine Diener.

14 Sättig eus am Morge mit dinere loyale Liebi,

demit mer juble und eus freued alli eusi Täg

15 Schenk eus so viel Täg Freud wie du eus hesch la liide,

so viel Jahre wie mir Unglück duregmacht hend.

16 Lass dini Diener dis Tue la gseh

und ihri Söhn dini Pracht.

17 D'Anerkennig Jehovas, euses Gottes, rueh uf eus.

Lönd das Werk vo eusere Händ linge.

Ja, lönd das Werk vo eusere Händ linge.