Hiob 13 vo 42

Hiob 13 vo 42

13:1 Ja mis Aug het das alles gseh,

mis Ohr hets ghört und verstande.

 2 Was ihr wüssed weissi au.

Ich bin eui nöd unterlege.

 3 Ich für min Teil würd lieber mit em Allmächtige sälber rede.

Ich hä de Wunsch, miini Rechtsstriit mit Gott z füehre.

 4 Ihr degege beschmutzed mich mit Lüge.

Ihr alli sind unbruuchbari Ärzt.

 5 Würdet ihr doch nur ganz und gar still bliibe –

das würd vo Wiisheit züge.

 6 Höred eui bitte mini Argumänt a,

und achtet druf, was mini Lippe zu minere Verteidigung säge.

 7 Wönd ihr im Name Gottes öppis Verchers säge?

Wönd ihr für Gott betrügerisch rede?

 8 Wänder eu uf sini Siite schlag?

Wänn ihr versueche d Sach vum wahre Gott zverträte?

 9 Würds guet usgah wener eu usforsche würd?

Werded ihr ihn hinders Liecht füehre wie en stärbliche Mänsche?

10 Er wird eu ganz bestimmt Vorhaltige mache,

wänn ihr heimlich versueched Parteilichkeit z zeige.

11 Wird sini eigeni Würd eu nöd Angst mache?

Wird eu nöd Furcht vor ihm überfalle?

12 Euri wiise Rede sind Sprüch us Äsche.

Euri Verteidigung isch so schwach wie Schilde us Lehm.

13 Blibt still vor mir, damit ich chan rede.

De söll über mi cho was au immer chunt!

14 Warum bring ich mich selber in Gfahr

und riskiere mis Lebe?

15 Au wenn er mich umbringe wür, ich wür wiiter warte.

Ich würd min Fall vor ihm verteidige.

16 Er wür den für mich zur Rettig werde,

dänn kein Gottloser dörf vor ihm cho.

17 Höred eui genau ah wasi sege.

Achtet uf die Erklärig wo ich ablege.

18 Gseht, ich han mich uf min Prozess vorbereitet.

Ich weiss, dass ich im Recht bin.

19 Wer will mit mir striite?

Ich würd sterbe weni still müesst bliibe!

20 Erfüll mer nur zwei Bitte, o Gott,

dänn versteck ich mich nöd vor dir:

21 Nimm dini schweri Hand wiit weg vo mir.

Und lah nöd zue, dass mich d Angst vor dir in Schrecke versetzt.

22 rüef du und ich antworte

oder lah mich rede und antworte du.

23 Worin bestönd dänn mini Vergehe und Sünde?

Enthüll mir mini Überträtig und mini Sündä.

24 warum verbirgsch dis Gsicht

und betrachtisch mich als din Feind?

25 Wirsch versueche es weggewehts Blatt z'verschrecke

oder trochne Stoppele hindedrajage?

26 Du schribsch nämli ständig bitteri Aaklage gege mich uf

und laht mich für mini Jugendünde büesse.

27 Mini Füess hesch in Stock gleit,

du bhaltisch all mini Pfad genau im Aug

und zeichnisch jede minere Fuessabdrück noche.

28 So verfallt de Mensch wie öppis Vermoderns,

wie en vo Motte zerfrässens Chleidigsstück.