Hiob 28 vo 42
- von Rico Loosli 6934 Bioggio
-
Zugriffe: 530
Hiob 28 vo 42
28:1 Es git en Ort wo mer Silber abbaut,
und en Ort für Gold wo gläuteret wird.
2 Iise wird usem Bode gwunne
und Chupfer us Gstei usgschmolze.
3 De Mensch besiegt d Finsternis.
Im Dunkle und Finstern stossst er bis a d Gränze vor
uf de suechi nach Erz.
4 Er gräbt en Schacht, wiit wäg vo dert wo Mänsche wohned,
a vergessene Orte, wiit weg vo det, wo sie umeziehnd.
Männer lönd sich abe und schwäbe i de Luft.
5 Uf de Erde wachst Nahrig,
aber drunder wird alles umgwühlt wie durch Füür.
6 Det im Gstei findet mer de Saphir
und de Staub enthaltet Gold.
7 Kei Raubvogel kennt de Pfad dete ane.
S Aug vom Schwarze Milan hät en nöd erspoht.
8 Kei majestätischs Tier hät en beträte.
De jung Löi isch det nöd umegschliche.
9 De Mensch bricht mit sinere Hand herts Gestei uf.
D'Bärge wählt er vo Grund uf um.
10 Er haut Wasserkanäl i de Fels.
Sini Auge entdecked alles Choschtbari.
11 Er staut Flüss a ihrne Quelle uf
und bringt Verborgenes as Liecht.
12 Aber Wiisheit - wo isch sie zfinde?
Wo isch d Quelle vom Verständnis?
13 Kein Mensch erkennt ihren Wert
und im Land vo de Läbige isch si nöd z finde.
14 S tüüfe Wasser seit: 'Sie isch nöd in mir!'
S Meer seit: 'Bi mir isch si nöd!'
15 Mit reinem Gold chamer sie nöd chaufe
na chamer Silber als Gägewert defür abwäge.
16 Mer chan sie ned mit Gold us Ọphiri chaufe
na mitem seltene Ọnyxstei und em Saphir.
17 Gold und Glas chamer nöd mit ihre vergliiche,
no chamer sie geg es Gfäss us feinstem Gold iitusche,
18 ganz z schweige vo Koralle und Bergkristall.
Denn en Büteli mit Wiisheit isch meh wert als eine volle Perle.
19 Mit em Topạs vo Chusch laht sie sich nöd vergliiche.
Nöd emal mit reinem Gold chammer sie erwerbe.
20 Doch woher chunt d Wiisheit eigentlich?
Wo isch d Quelle vom Verständnis?
21 Sie isch vor de Auge alles Lebende versteckt
und vor de Vögel vom Himmel verborge.
22 Vernichtig und Tod säge:
'Eusi Ohre händ nur en Bricht über sie vernoh.'
23 Gott verstahts de Weg zu ihre zfinde.
Er allei weiss wo sie wohnt,
24 den er luegt zu de Endi vo de Erde
und gseht alles underem Himmel.
25 Wo er d'Sterchi vom Wind festgleit het
und s'Wasser usmisst,
26 als er en Vorschrift für de Rege erlese
und en Weg für die Dönner Gwitterwolke vorgäh,
27 da het er Wiisheit gseh und het si erchlärt.
Er hät si gründet und erprobt.
28 Und er het zum Mensche gseit:
"D'Ehrfurcht vor Jehova – das isch Wiisheit,
und sich vom Schlechte abwände – das isch Verstand.'"