Hiob 35 vo 42
- von Rico Loosli 6934 Bioggio
-
Zugriffe: 534
Hiob 35 vo 42
3:1 Elịhu het sini Erwiderig fortgsetzt:
2 "Bisch so devo überzügt im Recht z'sii dass du behauptisch:
'Ich bin grechter als Gott'?
3 Schliesslich seisch ja: 'Was kümmerets dich?
Bini öppe besser dranne als wenni gsündigt hetti?'
4 Ich wird dir antworte
und au dine Bekannte da.
5 Lueg zum Himmel ufe und lueg,
beobachte die Wulche wo höch über dir sind.
6 Wie schadisch em wännd sündisch?
Wenn sich dini Überträtige ahebed, was du ihm scho ah tuesch?
7 Was gisch em wenn grächt bisch?
Was bechunnt er scho vo dir?
8 Dini Schlächtigkeit würkt sich nur uf en Mensch wie dich us
und dini Grechtigkeit nur uf en Menschensohn.
9 Lüüt schreied unter de Last vo de Unterdrückig.
Si schreied nach Erliechterig vo de Herrschaft vo de Mächtige.
10 Aber niemer frogt: 'Wo isch Gott, min grosse Erschaffer,
de i de Nacht Lieder laht la singe?'
11 Er bringt eus meh bi als de Tier vo de Erde
und macht öis wiiser als d Vögel vom Himmel.
12 Da isch Gschrei aber er antwortet nöd,
will die böse so stolz sind.
13 Mit Sicherheit hört Gott keis leers Gschrei.
De Allmächtig achtet nöd druf.
14 Wie viel weniger dänn, wennd dich beschwersch, dassd ihn nöd gsehsch!
Din Rächtsfall lit em vor, drum söttsch gspannt uf ihn warte.
15 Er het nämlich nöd zornig nachere Abrechnig verlangt
na het er dini extremi Vorteiligkeit beachtet.
16 Vergeblich reisst Hiob s'Muul uf.
Er macht viel Wort ohni Erkenntnis."