Hiob 41 vo 42
- von Rico Loosli 6934 Bioggio
-
Zugriffe: 558
Hiob 41 vo 42
41:1 Chasch de Leviạthan mit eme Angelhake fange?
Chasch mit eme Seil sini Zunge nach abe drücke?
2 Chasch en Strick dur sini Naselöcher zieh
oder sin Chiefer mit eme Häcke durebohre?
3 Wird er dich mit flehentliche Bitte überhäufe?
Wird er fründlich mit dir rede?
4 Wird er en Vertrag mit dir schlüsse,
damit en uf Lebensziit zu dim Sklave chasch mache?
5 Wirsch mit ihm wie mit emene Vogel spiele
oder ihn für dini chline Meitli ad Leine lege?
6 Werdet Händler um ihn feilsche?
Wird mer en under Kauflüüt uufteile?
7 Wirsch sini Huut mit Harpune spicke
und sin Chopf mit Fischspeer?
8 Leg Hand a ihn!
De Kampf wird der in Erinnerig bliibe und du wirsch es nie wieder tue.
9 Jedi Hoffnig ihn z bändige isch vergeh.
Sin blöde Ablick würdi dich überwältige.
10 Keine wagt, ihn ufzstöre.
Wer also chann mir die Stirn büüte?
11 Wer het mer zersch öppis gäh, dass ich's ihm müesst zrugg zahle?
Alles underem Himmel ghört mer.
12 Ich wird nöd schweige über sini Glieder,
über sini Chraft und sim schöne Körperbau.
13 Wer het sini üsseri Hülle entfernt?
Wer wird i sine Rache idringe?
14 Wer chan d'Türe vo sim Mul ufrisse?
Sini Zähn ringsum sind furchterreend.
15 Uf sim Rugge verlaufed Reihe vo Schuppe,
fescht zämegfüegt wie mit eme Siegel.
16 Sie schlüssed so dicht anenand,
dass kei Luft dezwüsche chunnt.
17 Eine chläbt a de andere.
Sie händ anenand gha und lönd sich nöd trenne.
18 Bi sim Schnaube lüchtet Liecht uf
und sini Auge sind wie d Strahle vo de Morgedämmerig.
19 Us sim Muul zucke Blitz füre.
Füürigi Funke sprüehnd.
20 Us sine Nüstere quillt Rauch
wie us eim mit Binse befiirte Ofe.
21 Sis Atem facht Chole a
und e Flamme schüsst us sim Mul.
22 I sim Nacke steckt grossi Chraft
und Entsetze tuet ihm voruus.
23 Siini Hutschichte sind fest zämegfüegt.
Sie sind straff wie agosse, und unbeweglich.
24 Sis Herz isch steihart,
ja so hert wie en under Müllstei.
25 Wener sich erhebt, verschrecken selbst die Mächtigen.
Schlaht er um sich, löst er demit Entsetze us.
26 Keis Schwert wo ihn trifft bezwingt ihn
na Speer, Wurfspiess oder Pfiilspitz.
27 Iise isch für ihn wie Stroh,
Kupfer wie morsches Holz.
28 Es Pfili verjagt en nöd.
Schleuderstei werded für ihn z Stoppele.
29 En käul chunt ihm vor wie stroh
un de Sause vumene Wurfspiess bringt en zum Lache.
30 Sini Untersiite isch scharf wie Tonscherbe.
Er zieht dur de Schlamm wie en Dreschlitte.
31 Die Tiefi laht er brolle wie en Chessel.
S Meer bringt er zum Blubber wie en Salbedopf.
32 Er hinderloht e glitzerndi Spur uf sim Pfad.
Es isch als hätti die tüüfi wissi Hoor.
33 Er isch ohneglich uf de Erde,
es Gschöpf wo kei Angst kennt.
34 Alles Überhebliche starrt er unverwandt a.
Er isch König über alli majestätische wilde Tier."