Hiob 42 vo 42

Hiob 42 vo 42

42:1 Hiob erwideret dänn Jehova:

2 "Jetzt weis ich, dass du alles chasch mache und dass für dich nüt wo du im Sinn hesch, unmöglich isch.

 3 Du häsch gseit: 'Wer isch es wo verdunklet was ich beschlosse han, und debii ohni Erkenntnis isch?" Ja, ich ha gredt, allerdings ohni Verstand, über Sache wo für mich wunderbar sind und vo dene ich nüt weiss.

 4 Du häsch gseit: 'Hör bitte zue und ich wird rede. Ich wird dich befröge und du unterricht mich.'

 5 Mini Ohre händ vo dir ghört, aber jetzt gsehn ich dich mit eigene Auge.

6 Deswege nimi zrugg wasi gseit han, und bereue in Staub und Asche.

7 Nochdem Jehova sini Red an Hiob beendet het, het sich Jehova an Ẹliphas gwandlet, de Temanịter: "Ich bin sehr zornig uf dich und dini beide Fründe, denn ihr hend nöd d Wohrheit über mich gseit wie min Diener Hiob.

8 Nämed jetzt siebä Stier und siebä Schafböck, gaht zu mim Diener Hiob und opfer für eu en Brandopfer. Und min Diener Hiob wird für eu bätte. Ich wird sini Bitte ganz bestimmt erfülle und eu nöd für eui Unvernunft belange - defür dass ihr nöd d Wohrheit über mich gseit händ wie min Diener Hiob."

9 Ẹliphas, de Temanịter, Bịldad, de Schuchịter, und Zọphar, de Naamathịter, hend sich also uufgmacht und gmacht was Jehova ihne gseit het. Und Jehova het Hiobs Gebet ghört.

10 Nochdem Hiob für sini Fründe bätet het, het Jehova sini Leidesziit beändet und ihm sin Wohlstand zrug gä. Jehova het ihm dopplet so viel gschänkt wiener vorher gha het.

11 Alli sini Brüedere und Schwöschter und all sini früehnere Fründe hend ihn bsuecht und im Huus e Mahlziit mit ihm iignoh. Sie händ ihm ihres Mitgfühl usdrückt und ihn tröschtet, will Jehova zueglah hät, dass so viel Unglück über ihn cho isch. Jede vo dene hät ihm es Geldstück und es Goldring geh.

12 Jehova het de letschti Teil vo Hiobs Läbe meh als de Aafang gsegnet. Er het jetzt 14'000 Schof, 6000 Kamel, 2000 Rinder und 1000 Eselinne.

13 Au het er sibe witeri Söhn becho und drü wyteri Töchter.

14 Die erschti Tochter het er Jemịea g'nennt, die zweiti Kezịa und die dritt Kẹren-Hạppuch.

15 Es hät im ganze Land kei so schöni Fraue geh wie Hiobs Töchter. Und sie händ vo ihrem Vater es Erbe übercho wie ihri Brüedere.

16 Hiob het nachher no 140 Jahr glebt und vier Generatione vo sine Chind und Enkel gseh.

17 Schliesslich isch Hiob nacheme lange, erfüllte Läbe gstorbe.