Hiob19 vo 42

Hiob 19 vo 42

19:1 Hiob erwideret:

2 "Wie lang werdet ihr mini Seel no reize,

mich mit wort zermale?

3 Die zehn Mal hender mich beschimpft.

Ihr schämed eui nöd mi hert z behandle.

4 Hani tatsächlich en Fähler gmacht,

de isch das ellei miini Sach.

5 Wänner eu unbedingt über mich erhebe wänd

un bhaupted de Vorwürf gege mich seged grechtfertigt,

6 den söttet ihr wüsse das Gott selber mich irregeführt

und i sim Jagdnetz gfange hät.

7 Gseht nur! Ich schreie immer wieder: 'Gewalt!', erhalt aber kei Antwort.

Ich lütä ständig um Hilf, doch es git kei Gerechtigkeit.

8 Min Pfad het er mitere Steinmuur versperrt und ich chume nöd dure.

Mini Wäg het er mit Finsternis bedeckt.

9 Er het mer min Ruhm entrisse

und d Chrone vo mim Chopf entfernt.

10 Vo allne Siite bringt er mich zum Ischurz, bis es mer nüme git.

Mini Hoffnig riist er us wie en Baum.

11 Sis Zorn entbrennt gäg mich

und er gseht mi als sin Feind.

12 Sini Truppe sammled sich und umzingled mich.

Si lagered rings um mis Zelt.

13 Mini eigene Brüeder het er wiit vo mir wegtribe,

und die mich kenned, händ sich vo mir abgwandt.

14 Die mir Nachestande sind weg,

und die ich guet kennt han hend mich vergesse.

15 Die Gäst i mim Huus und mini Sklavinne händ mich als Fremde betrachtet.

I ihrne Auge bin ich en Usländer.

16 Ich lüte min Diener, aber er reagiert nöd.

Mis Muul flügt en um Mitgfühl aa.

17 Mini Frau gruslet sich sogar vor mim Atem

und für mini eigene Brüeder bini zum Gstank worde.

18 Sälbscht Chind verachted mich.

Stahni uf, fangeds a mi uslache.

19 Alli mini enge Fründe verabscheued mich,

die ich liebt hend sich geg mich gwandt.

20 Ich bin nurno Hut und Knoche

und chume nur mit knapper Not dervo.

21 Händ Erbarme mit mir, mini Fründe, händ Erbarme mit mir,

Denn Gottes eigene Hand het mi troffe.

22 Warum verfolged ihr mich ständig wie Gott

und attackiert mich unufhörlich?

23 Wänn mini Wort doch nur ufgschriebe würed!

Würdets doch nur imne Buech festghalte!

24 Würdets doch für immer in Stei gmeisslet werde,

mit eme ässe Griffel und mit Blei!

25 Denn ich weiss genau, dass min Erlöser lebt.

Später wird er cho und sich über d'Erde erhebe.

26 Nachdem mini Hut so zerschunde worde isch,

mis Fleisch aber no a mir isch wirdi Gott gseh,

27 ja ich selber werd ihn gseh,

mini eigene Auge werdet en gseh, ned die vomene andere.

Trotzdem fühl ich mich tüüf im Innere erdrückt.

28 Denn ihr sage: 'Was söll das heisse, dass mir ihn verfolge?'

als wäri d Wurzle vom Problem.

29 Fürchted eu sälber vor em Schwert,

dänn das Schwert bringt Straf für Vergehe.

Ihr sötted wüsse, dass es en Richter git.