Hiob 20 vo 42

Hiob 20 vo 42

20:1 Zọphar, de Naamathịter, erwideret:

 2 "Mini eigene beunruhigende Gedanke dränged mich zum Antworte,

will ich innerlich so ufgwühlt bin.

 3 Ich han e Zurechtwiesig ghört wo mich beleidigt,

und mis Verstand triibt mi zunere Erwiderig.

 4 Bestimmt hesch es scho immer gwüsst –

denn so isches ja, sit de Mensch uf d Erde gsetzt worde isch –,

 5 dass de Jubel de Böse vo churzer Duur isch

und d'Freud vom Gottlose nur en Augeblick ahebt.

 6 Wänn au sini Erhabäheit zum Himmel stiigt

und sin Chopf bis a d Wulche langet,

 7 wird er doch für immer vergah wie sin eigene Kot.

Die ihn früehner gseh händ, werdet säge: 'Wo ischer?'

 8 Wie en Traum wird er entflüge und mer wird en nöd finde.

Er wird verjagt wie e Vision vo de Nacht.

 9 Das Aug wo ihn einisch gseh het, wird ihn nüme gseh,

und sis Dihei wird en nie wieder erlicke.

10 Sini eigene Chind werded sich um d Gunst vo de Arme bemüeh

und siis Vermöge wird er mit de eigene Händ zrugg gä.

11 Siini Chnoche sind voll Jugendchraft gsi,

doch sie wird sich mit ihm in blosse Staub lege.

12 Wenn Schlächts i sim Muul süess schmöckt,

Wänn er s under sinere Zunge verbirgt,

13 wenn ers gnüsst und nöd devo loht,

sondern es im Muul bhaltet,

14 wird sis Ässe i sim Innere suur werded.

Es wird in ihm wie Kobragift.

15 Vermöge het er verschlunge, doch er wirds erbräche,

Gott wird's us sim Buch usehole.

16 Kobragift wird er suge.

D Giftzähn vonere Otter werded en töte.

17 Nie wird er d'Wasserbäch gseh,

d Ström us Honig und Butter.

18 Er wird sini Güeter zrug geh ohni sie zverbruche.

Sin durch Handel erworbnigs Vermöge wird er nöd gnüsse.

19 Denn er het die Arme vertrette und im Stich gloh.

Er hät es Huus a sich grisse, won er nöd baut hät.

20 Doch er wird keine innere Friede verspüre.

Sis Vermöge wird ihm nöd hälfe devo z cho.

21 Es isch nüt übrig blibe, was er verschlinge chönt.

Drum wird sich sis Wohlstand nöd halte.

22 Uf em Höhepunkt vo sim Riichtum aaglangt, wird ihm angst und bange.

Das Unglück wird en mit voller Wucht träffe.

23 Während er sin Buch füllt,

wird Gott sin glüehende Zorn über ihn bringe

und uf ihn rägne lah bis i sini iigweid.

24 Wän er vor Eisne Waffe flügt,

werded ihn Pfiili durebohre, abgschosse mit eme Chupferboge.

25 Us sim Rügge zieht er en Pfiili use,

e blitzendi Waffe us sinere Galle,

und Schrecke packt en.

26 Völligi Finsternis erwartet sini Schätz.

Es Füür wo niemert entfacht het, wird en verzehre.

Jede Überläbende i sim Zelt erwartet Unglück.

27 De Himmel wird sis Vergah enthülle.

D Erde wird sich geg ihn erhebe.

28 En Fluet wird sis Huus fortriisse.

Es wird e Sturzfluet sii am Tag vom Zorn Gott.

29 Das isch de Ateil wo de schlechti Mensch vo Gott bechunnt,

s'Erbe wo Gott für ihn bestimmt hät."