Joel Kapitel 3

Joel Kapitel 3

3:1 "Denn i dene Täg und i de Ziit, wenn ich d Gfange vo Juda und Jerusalem zruggbringe,

 2 wird ich au alli Völker versammle und sie is Tal Jọsaaphat führe. Dört wird ich mit ihne is Gricht gah wäg mim Volk und mim Erb Israel, will sie mis Volk under d Natione zerstreut und mis Land under sich ufteilt händ.

 3 Über mis Volk hends Lose gworfe. Sie hend en Buebe als Lohn für e Prostituierti und es Meitli hends für Wii verchauft, damit sie hend chönne trinke.

 4 Und ihr, was händ ihr gege mich, o Tỵrus und Sịdon und alli Gegende vo Philistạ̈a? Zahlet ihr mir öppis heim? Wen ihr mir öppis heizahlt, lass ich es rasch, ja unverzüglich uf eu sälber zrugfalle.

 5 Denn ihr hend mis Silber und Gold gno und mini kostbare Schätz i eui Tempel bracht,

 6 und s Volk vo Juda und Jerusalem händ ihr a de Grieche verchauft, um es wiit us sim Gebiet z entferne.

 7 Ich loh sie vo dem Ort ufbreche womer sie verchauft hend und ich wird das wo ihr ihne ahtah hend uf eu selber zrugfalle lönd.

 8 Ich wirde euri Söhn und Töchter id Hand vom Volk vom Juda verchaufe, und es wird sie a d Manne vo Schẹba verchaufe, an e wiit entfernti Nation, denn Jehova sälber gredt hät.

 9 Verkündet unter de Völker: Machet euch parat zum Krieg! Rüttlet die starche Männer uf! Lönd alli Soldate aaträtte, lönd si vorrucke!

10 Schmiedet euri Pflugschare zu Schwerter und eui Winzermesser zspeere. De Schwach söll säge: "Ich bin starch."

11 Chömed und helfed all ihr umliegende Völker, versammled eu! A dä Ort, o Jehova, füehred dini Mächtige abe.

12 "Die Völker sölled sich ufmache und zum Tal Jọsaphat vorrücke, denn det wird ich hocke, zum es Urteil über alli umliegende Völker zrede.

13 Legt d Sichle aa denn d Ernte isch riif. Chunnt und tretet d Wycheltere denn sie isch voll. D Behälter flüssed über wil ihri Schlechtheit grenzelos isch.

14 Mängi, Mänsche sind im Tal de Entscheidig, denn de Tag Jehovas isch nöch im Tal vo de Entscheidig.

15 Sunne und Mond werded sich verfinstere und d Sterne werded ire Glanz verlüre.

16 Jehova wird us Zion brülle, us Jerusalem wird er sini Stimm erhebe. Himmel und Erde werded bebe, doch Jehova wird für sis Volk e Zueflucht sii, e Festig für s Volk Israel.

17 Und ihr werdet erkenne müsse das ich Jehova bin, eu Gott wo uf Zion wohnt, mim heilige Berg. Jerusalem wird zumene heilige Ort werde und Fremde werde nümme durrezieh.

18 An däm Dag wäre de Berg vu sessem Wi triefe, uf de Hügel wird Milch fliesse un alli Bäch in Juda wäre Wasser fiehre. Usem Huus Jehovas wird e Quelle füresprudle und sie wird s Tal vo de Akazienbäum bewässere.

19 Ägypte aber wird veröde und Ẹdom wird zunere verlassene Wildnis wege de Gwalttate am Volk Juda, i dem Land sie unschuldiges Bluet vergosse hend.

20 Juda hingäge wird immer bewohnt sii und Jerusalem Generation um Generation.

21 Ihres Bluet, wo ich nöd als schuldlos agseh han, werd ich als schuldlos aaluege.