3.Moses 15 vo 27

3.Moses 15 vo 27

15:1 Jehova het wiiter zu Moses und Aaron gseit:

2 "Red mit de Israelite und teile ihne mit: 'Falls en Maa en Usfluss us sim Gschlechtsorgan hett, macht ihn de Usfluss unrein.

3 Er isch dadurch unrein, ob etzt de Uusfluss us sim Gschlechtsorgan wiiter flüsst oder obs verstopft isch - er isch unrein.

4 Jedes Bett wo de Maa mit em Usfluss liit, und alles wo er sitzt, söll unrein sii.

5 Wer sis Bett berührt söll sini Chleider wäsche, sich im Wasser bade und bis zum Abig unrein sii.

6 Wer sich uf öppis setzt, wo de Maa mitem Uusfluss ghocket het, söll sini Chleider wäsche, sich im Wasser bade und bis zum Abig unrein sii.

7 Wer de Körper vom Maa mit em Uusfluss berührt söll sini Chleider wäsche, sich im Wasser bade und bis zum Abig unrein sii.

8 Falls de Maa mitm Usfluss uf öpper spuckt wo ine isch, söll dä sini Chleider wäsche, sich im Wasser bade und bis zum Abig unrein sii.

9 Jede Sattel wo de Maa mit em Uusfluss riitet, söll unrein sii.

10 Wer irgendöppis berührt wo underem Maa gsi isch, söll bis zum Abig unrein sii und wer so Gegeständ treit söll sini Chleider wäsche, sich im Wasser bade und bis zum Abig unrein sii.

11 Wänn de Maa mit em Uusfluss öpper berüehrt, ohni sich d Händ gwäsche z ha, söll dä sini Chleider wäsche, sich im Wasser bade und bis zum Abig unrein sii.

12 Berüehrt de Maa mit em Uusfluss es Tongefäss, sölls zerschlaa werde, und es Holzgfäss söll mit Wasser abgspüelt werde.

13 Wänn de Uusfluss ufhört und de Betreffendi devo ine wird, söll er siebä Täg für sini Reinigung abzälle. Er söll sini Chleider wäsche, sich i frischem Wasser bade und rein sii.

14 Am achte Tag söll er zwei Turteltuube oder zwei jungi Tuube näh, am Igang vom Zält vo de Zämekunft vor Jehova trätte und sie em Prieschter gänd.

15 De Prieschter söll sie opfere – die eint als Sündopfer und die andere als Brandopfer – und für de Beträffende wäg sim Uusfluss vor Jehova Sühn leischte.

16 Falls jetzt en Maa en Samenerguss het, söll er sich ganz im Wasser bade und bis zum Abig unrein sii.

17 Jedes Chleidigsstück und jedes Fella wo Sameflüssigkeit isch, söll mit Wasser gwäsche werde und bis zum Abig unrein sii.

18 Wänn en Maa binere Frau liit und en Samenerguss hät, sölleds im Wasser bade und bis zum Abig unrein sii.

19 Het e Frau e Bluetig, söll sie wäg ihrere Mensstruation siebe Täg unrein bliibe. Wer sie berüehrt, söll bis zum Abig unrein sii.

20 Alles wo sie sich i ihrere menstruelle unreinheit leit oder setzt, söll unrein sii.

21 Wer ihres Bett berührt söll sini Chleider wäsche, sich im Wasser bade und bis zum Abig unrein sii.

22 Wer irgend en Gegestand berührt wo sie ghockt hät söll sini Chleider wäsche, sich im Wasser bade und bis zum Abig unrein sii.

23 Wen sie ufem Bett oder uf öppis anderem ghocket het und öpers berüert ischer dadurch bis zum Abig unrein.

24 Wenn en Maa bi ihre ligt und dur ihres Menstruationsbluet unrein wird, söll er siebä Täg unrein sii. Jedes Bett wo er sich leit wird unrein sii.

25 Het e Frau usserhalb vo de übliche Ziit vo ihrere Menstruatione vill Täg Bluetige oder duuret ihre Usfluss länger als gwöhnlich, denn söll sie die ganz Ziit wo sie de Uusfluss het, unrein sii - wie während de Täg vo ihrere menstruelle Unreinheit.

26 Jedes Bett, wo sie i de Täg vo ihrem Usfluss liit, wird wie s Bett während ihrere menstruelle Unreinheit wärde. Jede gägestand wo sie sitzt wird unrein werde wie während ihrere menstruelle unreinheit.

27 Wer das Züg berüert, söll unrein sii. Er söll sini Chleider wäsche, sich im Wasser bade und bis zum Abig unrein sii.

28 Het de Usfluss jedoch ufghört, söll sie für sich siebä Täg abzähle, und nachher isch sie rein.

29 Am achte Tag söll sie zwei Turteltuube oder zwei jungi Tuube näh und sie zum Prieschter a de Iigang vom Zelt vo de Zämekunft bringe.

30 De Prieschter söll die eint als Sündopfer und die ander als Brandopfer opfere und für d Frau wäg ihrem unreine Usfluss vor Jehova Sühn leiste.

31 So sötted ihr d Israelite vor de eigene Unreinheit schütze, damit sie mini Stiftshütte wo i ihrere Mitti isch, nöd verunreinige und nöd i ihrere Unreinheit sterbed.

32 Das Gsetz gilt wenn en Maa en Usfluss het oder wägemene Samenerguss unrein isch,

33 wenn e Frau während ihrere Mensstruation unrein isch, wänn en maa oder e Frau en usfluss händ und wänn en maa binere unreine Frau liet.