4.Moses 5 vo 36

4.Moses 5 vo 36

5:1 Jehova het wiiter zu Moses gseit:

2 "Wiis d Israelite ah, jede wo Ussatz oder en Usfluss het oder dur en Tote unrein worde isch usem Lager z schicke.

3 Ob Männlich oder Wieblich, schickeds use. Schickeds usem Lager demit sie d Lager vo dene, i dere Mitti wohn, nöd astecke."

4 Die Israelite hend das gmacht und hend die Betreffende usem Lager gschickt. Sie hends genau so gmacht wie Jehova es Moses gseit het.

5 Wiiter het Jehova zu Moses gseit:

6 "Teili den Israeliten mit: 'Wenn ein Ma oder eine Frau irgend eine vo de Sünde vo de Mensche begaht und Jehova gegenüber untreu handlet, macht sich de Betreffendi schuldig.

7 Er söll die Sünde wo erb begange het, bekenne und em Gschädigte de volle Betrag plus en Füftel vom Wert als Entschädigung für sini Schuld zrugg gäh.

8 Het s Opfer jedoch kei nöchi Verwandte wo die Entschädigung chönnti entgäge näh, söll sie Jehova gäh und em Prieschter ghöre – mit Usnahm vom Süenschafbock wo für de Schuldig Süne gleischtet wird.

9 Jede heilige Biitrag vo Israelite wo zum Prieschter bracht wird, söll ihm ghöre.

10 S Heilige eis jede wird sis Eigetum bliibe. Was jede em Prieschter git söll em Prieschter ghöre.'"

11 Jehova het wiiter zu Moses gseit:

12 "Red mit de Israelite und teile ihne mit: 'Folgendes söll ta werde, falls en Ehefrau uf Abwäg grät und ihrem Maa untreu wird

13 und en andere Maa sexuelli Beziehige mit ihre het, ohni dass de Ehemann es wüssed oder es ufdeckt wird, wenn sie sich also verunreinigt het und es kei Züg git und sie nöd ertappt worde isch:

14 Wänn de Maa iversüchtig wird und sini Frau vo de Untreue verdächtigt – öb sie sich etzt verunreinigt hät oder nöd –,

15 söll er siini Frau miteme zähntel Ẹpha Gerstemehl als Opfergabe für si zum Prieschter bringe. Er dörf kein Öl überegiesse no Wiehrauch druflegge, denn es isch en Getreideopfer vo de Eifersucht, en Getreideopfer wo Schuld in Erinnerig bringt.

16 De Prieschter söll d'Frau herbringe und sie vor Jehova trätte lah.

17 De Prieschter söll es Tongefäss mit heiligem Wasser näh und öppis Staub vom Bode vo de Stiftshütte is Wasser streue.

18 De Prieschter söll d Frau vor Jehova trätte lah, ihr Hoor löse und ihr s Erinnerigsgetreideopfer, das heisst s'Getreideopfer vo de Eifersucht, in d'Händ lege. Er söll das bittere, Fluech bringende Wasser ide Hand halte.

19 Denn söll de Prieschter d Frau schwöre lah und zu ihre säge: "Wenn kein andere Maa sexuelli Beziehige mit dir gha het während du under de Autorität vo dim Maa gstande hesch, wenn also nöd uf Abwäg grate bisch und dich nöd verunreinigt hesch, söllsch vo de Würkig vo dem bittere, Fluech bringende Wasser frei sii.

20 Falls du aber uf Abwäg grate bisch während du unter de Autorität vo dim Ehemann gstande hesch und dich verunreinigt hesch und du mit emne andere Maa sexuelle Beziehige gha hesch.

21 De Prieschter söll d Frau dänn en Eid schwöre lah wo mit eme Fluech verbunde isch, und zu ihre säge: "Jehova söll dich i dim Volk zumene abschreckende Bispiel mache, wo mer in Flüche und Schwüre erwähnt, indem Jehova dini Hüft ifalle und Din Unterliib aschwelle laht.

22 Das Fluech bringendi Wasser wird i dini innere Organ idringe, es wird din Unterliib aschwelle und dini Hüft ifalle loh."Druf söll d'Frau säge: "Amen! Amen!"

23 De Prieschter söll die Flüch dänn is Buech schriibe und si mit em bittere Wasser abwäsche.

24 Er söll d'Frau das bittere, Fluech bringendi Wasser trinke lah und es söll i si idringe und Bitterkeit hervorrüefe.

25 De Prieschter söll s Getreideopfer vo de Eifersucht us de Hand vo de Frau neh, es vor Jehova hin und herschwinge und es zum Altar bringe.

26 Vo dem Getreideopfer söll de Prieschter e Handvoll als symbolischs Opfer neh und uf em Altar in Rauch ufgah lah. Nacher söll er d Frau sWasser trinke lah.

27 Falls sie sich verunreinigt het und ihrem Maa untreu gsi isch, söll s Fluech bringende Wasser wo de Priester sie trinke laht in sie idringe und i ihre zu öppisem Bitterem werde. Ihres Unterliib söll aaschwelle und ihri Hüfte ifalle, und d Frau wird i ihrem Volk es abschreckends Bispil werde, wo mer in Flüche erwähnt.

28 Het sich d Frau jedoch nöd verunreinigt und isch rein, dänn söll sie nöd so Straf träffe. Sie wird schwanger werde und Chind becho chönnd.

29 Das isch s Gsetz über Eifersucht, falls e Frau uf Abwäg grät und sich verunreinigt, während sie under de Autorität vo ihrem Maa staht,

30 oder falls en Maa iversüchtig wird und sini Frau vo de Untreue verdächtigt. Er söll sini Frau vor Jehova trätte lah und de Prieschter söll das ganze Gsetz uf sie awende.

31 De Maa söll vo Schuld frei sii, doch sini Frau wird sich für ihri Schuld verantworte.