-
Rico Loosli 6934 Bioggio
-
Zugriffe: 482
Sprüch 24 vo 31
Sprüch 24 vo 31
24:1 Seg nöd neidisch uf schlächti Mensche und gsehn dich nöd nach ihrere Gsellschaft.
2 Denn ihres Herz denke ständig über Gwalt nache und ihre Lippe redet vo Unheil.
3 Durch Wiisheit wird es Huus ufbaut und dur Unterscheidigsvermöge wirds gsicheret.
4 Durch Erkenntnis werded sini Rüüm mit allerlei kostbare, schöne Schätze gfüllt.
5 En wiise Maa isch mächtig und mit Erkenntnis vergrösseret en Maa sini Macht.
6 Mit wiiser Aaleitig wirsch din Chrieg füehre und mit vielne Ratgeber erringt mer de Sieg.
7 Wahri Wiisheit isch für en Dumme unerreichbar. Er het im Stadtor nüt z'säge.
8 Wer schlechtes plant, wird Meister im Intrigeschmiede gnennt.
9 Dummi Plän sind Sünd und en Spötter wird vo andere verabschütt.
10 Wennd i schwirige Ziite de Muet verlürsch wirsch wenig Chraft ha.
11 Befreie die, wo zum Tod weggführt werded, und halt die zrugg, wo zum Schlachte tumlet.
12 Villicht seisch: "Davon haben wir doch nichts gewusst."
Wird de wo die Herze prüeft, es ned merke?
Ja de dich beobachtet wirds wüsse und jedem mensch geh was er für sis tue verdient.
13 Iss Honig, min Sohn denn er isch guet. Honig vo de Wabe isch süess für de Gaume.
14 Du muesch au wüsse, dass Wiisheit guet für dich isch. Wenn du sie findsch, wirsch e Zuekunft ha, und dini Hoffnig wird nöd zerstört werde.
15 Lauer nöd böswillig bim Huus vom Grechte. Zerstöre sin Ruheort nöd.
16 Denn de Grächti mag siebemol gheie, doch er staht wider uuf, aber die Böse werded durch Unglück vollständig zu Fall bracht.
17 Wenn dis Feind gheit, freu dich nöd und wenn er stürzt söll dis Herz nöd juble.
18 Suscht gsehts Jehova und es missfallt ihm und er wird sin Zorn vo ihm abwende.
19 Reg dich nöd uf über schlächti Mensche. Beneide bösi Mensche nöd.
20 Denn schlächti Mensche hend kei Zuekunft, d Lampe vo de Böse wird usglöscht.
21 Min sohn, han Ehrfurcht vor Jehova und em König und lahn dich nöd mit Ufrührer ii,
22 den ihres Unglück wird plötzlich cho. Wer weiss, wie die beide sie is Verderbe stürze werdet?
23 Au das sind Wort vo Wise: Parteilichkeit im Gricht isch nöd guet.
24 Wer zum böse seit: "Du bisch grecht" wird vo de volk verfluecht und vo de natione aaklagt.
25 Aber dene wo ihn zrächtwiise wirds guet gah; sie werded mit Guetem gsägnet.
26 Wer ehrlich antwortet, dem sini Lippe wird mer küsse.
27 Erledige dini Arbet dusse und mach uf em Feld alles parat, dänn bau dis Huus uf.
28 Säg nöd ohni Grund als Züg gäg dine Mitmensche us. Bruch dini Lippe nöd zum anderi tüüsche.
29 Säg nöd: "Was er mir ahta het, wird ich ihm atue. Ich wird ihm heisse."
30 Ich bin am Feld vom Fulä verbii gange, am Wegarte vom Mänsche, wo es a Vernunft fehlt.
31 Ich gseh, dass er mit Unkrut überwucheret gsi isch. De Bode isch mit Nessle bedeckt gsi und sini Steinmuur isch iigstürzt gsi.
32 Ich ha das beobachtet und has mer zhärze gno. Ich has gseh und folgendi Lehr druus zoge:
33 Chli schlafe, chli schlafe, chli schlafe, chli Händ gheie und usruehe –
34 und dini Armuet wird cho wie en Räuber und dini Not wie en bewaffnete Maa.