üsi-bible-uf-züridütsch

Sprüch 19 vo 31

19:1 Besser arm sii und de wäg vo de integrität gönd als dumm si und lüge verzelle.

 2 Es isch nöd guet wenn en Mensch kei Erkenntnis het und wer überteilt handlet wo sündigt.

 3 Die Dummheit vomene Mensch bringt ihn ufen verchertete Weg und i sim Herze chunnt Zorn gege Jehova uf.

 4 Wohlstand vermehrt die Zahl vo de Fründe, doch wer arm isch, de loht sogar sin Fründ im Stich.

 5 En falsche Züg wird nöd ungstraft blibe, und wer bi jedem Atemzug lügt wird nöd devo cho

 6 Viel bemühed sich um d Gunst vomene Vornehme, und wer Gschänkli macht, het jede zum Fründ.

 7 En Armer wird vo allne sine Brüedere ghasst und erst rächt vo sine Fründe gmiede. Er verfolgt si mit Bitte, aber keine reagiert.

 8 Wer a Vernunft gwünnt liebt sich selbst. Wer Unterscheidungsvermöge schätzt, wird Erfolg ha.

 9 Än falsche Züüg wird nöd ungstraft bliibe, und wer bi jedem Atemzug lügt, wird umcho.

10 Es isch nöd abrocht, dass en Unvernünftige in Luxus läbt, und erst recht nöd, dass en Diener über Fürst herrscht.

11 En Mensch mit Iisicht wird nöd schnell zornig, und es isch öppis schöns für ihn en Fehler übergah.

12 D'Wuet vom König isch wie s'Knurre vomene Löie, doch sini Gunst isch wie Tau uf de Pflanzewelt.

13 En dumme Sohn bringt sin Vater is Unglück und e striitsüchtigi Ehefrau isch wie es ständig tropfends Dach.

14 Es Huus und Wohlstand erbt mer vo Vätere, aber en verständigi Ehefrau isch vo Jehova.

15 Fuulheit laht eim in tüüfe Schlaf gheie und en träger Mensch wird Hunger leide.

16 Wer d'Bot hebt, bewahrt sis Läbe. Wer nöd uf sini Wäg achtet, wird sterbe.

17 Wer zu de Schwache guet isch, lieht Jehova, und Gott wird en für sis Tue belohnä.

18 Erzieh din Sohn, solang na Hoffnig bestaht und mach dich nöd schuldig a sim Tod.

19 Wer jähzornig isch, wird d Straf defür zahle. Wennd versuechsch ihm das z erspare mueschs immer wieder mache.

20 Hör uf Rat und lahn dich erzieh, damit du in Zuekunft wiis wirsch.

21 En Mensch het viel Plän im Herze, aber de Rata Jehovas het Bestand.

22 Das Begehrenswert amene Mensch isch sini loyali Liebi. Und es isch besser arm zsi als en Lügner.

23 Die Ehrfurcht vor Jehova füehrt zum Läbe. Wer sie bsitzt wird agnähm schlafe, ihm wird nüt schlechts gscheh.

24 De Fuul griift mit de Hand id Feschtmahlschale, aber dänn füert er si nöd emal meh zum Muul zrug.

25 Schlag de Spötter, damit de Unerfahreni gschlage wird, und wiis de Verständnis zurecht, damit er meh Erkenntnis bechunnt.

26 Wer sin Vater schlecht behandlet und sini Mueter fortjagt, isch en Sohn, wo Schand und Unehr bringt.

27 Min sohn, wennd nümm uf erziehig hörsch wirsch dich vo de wort vo de erkenntnis entferne.

28 Es nutzlose Züüg spottet über s'Rächt und s'Muul vo de Böse schlingt Böses abe.

29 Uf d Spötter warted Urteile und uf de Rugge vo de Dumme warted Schläg.

Sprüch 18 vo 31

18:1 Wer sich absunderet, verfolgt sini eigene selbstsüchtige Wünsch. Alli praktischi Wiisheit lehnt er ab.

 2 En dumme Mensch het kei Interesse dra öppis zverstah. Er zeigt lieber was i sim Herz isch.

 3 Chunnt en böse Mensch, chunnt au Verachtig, und Unehr bringt Schand mit sich.

 4 Die Wort usem Muul vomene Maa sind wie tüfs Wasser. D Quelle vo de Wiisheit isch en sprudelnige Bach.

 5 Parteilichkeit zugunste vomne Böse isch nöd guet, au nöd emene Grächte s Recht vorzenthalte.

 6 D Wort vom Dumme füehred zu Striit und sis Muul rüeft nach Schläg.

 7 De Mul vom Dumme isch sis Verderbe und sini Lippe sind e Schlinge für sis Läbe.

 8 Die Wort vomene Verleumder sind wie Fäckerbisse. Mer schlingt sie in de Mage abe.

 9 Wer bi de Arbeit fuul isch isch en Brüeder vo dem wo zerstört.

10 De Name Jehovas isch en starche Turm. De Grechte lauft ine und wird beschützt.

11 De Riichi haltet sis Vermöge für e befestigti Stadt. I sinere Iibildig isches wie e Schützendi Muur.

12 Vor em Sturz isch s Herz vomene Mensch hochmüetig und de Herrlichkeit gaht Demuet vorus.

13 Wenn öpper en Antwort git bevor er zueglost het isch das dumm und beschämend.

14 De Geist eines Mensch kann ihn während einer Krankheit stützen, aber wer kann einen niedergschlagen Geist ertragen?

15 S'Härz vom Verständige eignet sich Erkenntnis a und s'Ohr vo de Wise suecht nach Erkenntnis.

16 Es Gschänk öffnet em Mensch de Wäg. Es verschafft ihm Zuegang zu wichtige Lüt.

17 Wer sin Fall als Erster darleit schiint rächt zha – bis de ander chunt und s'Sach hinterfrogt.

18 S Werfe vo Lose macht Striitigkeite es End und entscheidet zwüsche starche Gegner.

19 En kränkte Brüeder isch unnachgiebiger als e befestigti Stadt und mängi Striitschafte sind wie d Riegel vonere Fäschtig.

20 Vom Ertrag vom Muul wird de Mage vomene Mensch gfüllt, er wird gsätigt mit dem wo sini Lippe hervorbringed.

21 Tod und Lebe liged in de Macht vo de Zunge, und wer sie gern bruucht wird ihre Frücht esse.

22 Wer en gueti Ehefrau findet het öppis guets gfunde, und Jehova schenkt ihm sini Gunst.

23 De Arme muess flehlich bitte, doch de Riich antwortet barsch.

24 Manchi Fründe sind bereit sich gegesitig z schade, aber es git en Fründ wo feschter zumene haltet als en Brüeder.

Sprüch 16 vo 31

16:1 En Mensch leit sich sini Gedanke zurecht, aber die Antwort woner git chunt vo Jehova

 2 De Mensch haltet alli sini Wäg für richtig, doch Jehova prüeft d Beweggründ.

 3 Vertrau Jehova alles aa wod tuesch und dini Plän werded glinge.

 4 Jehova macht alles so das es sim Vorhabe dient, sogar de Böse für de Tag vom Unglück.

 5 Wer es stolzes Härz het, isch für Jehova abscheulich. Seg versicheret: Er wird nöd ungstraft bliibe.

 6 Durch loyali Liebi und Treue wird Vergehe gsühnt und us Ehrfurcht vor Jehova vermeidet mer Schlächts.

 7 Wänn sich Jehova über d'Wäg vomene Maa freut, dänn sorgt er defür, dass sälber sini Findä in Friede mit ihm läbed.

 8 Besser wenig mit Gerechtigkeit als es grosses Ikomme mit Unrecht.

 9 De Mensch plant im Herze sin Wäg, doch Jehova lenkt sini Schritt.

10 Inspirierti Entscheidige sötted uf de Lippe vomene Königs si. Er dörf nie geg s Recht urteile.

11 Gnaui Waage und Waagschale chömed vo Jehova. Alli Gwicht im Büttel sind sis Werk.

12 Schlechti Tate sind für Könige abscheulich, denn de Thron wird dur Gerechtigkeit gfestigt.

13 Grächti Wort gfalle Könige. Sie liebed de wo d Wahrheit seit.

14 D'Wuet vomene Königs isch wie es Todesbot, doch de wiise Maa beschwichtiget sie.

15 Im Lüchte vom Gsicht vomene König ligt Läbe. Sini Gunscht isch wie e Wolke mit Früeligsrege.

16 Wieviel besser isch es sich Wiisheit azlege als Gold! Verständnis z erlange isch eher z erwähle als Silber.

17 De Weg vode Ufrichtige füehrt vo Schlechte weg. Wer uf sin Weg achtet, rettet sis Läbe.

18 Stolz chunnt vorem Sturz und Hochmuet chunnt vorem Fall.

19 Besser demüetig sii under de Sanftene als Büüti teile mit de Überhebliche.

20 Wer inere Sach Iisicht zeigt wird erfolgrich sii und glücklich isch wer uf Jehova vertraut.

21 Wer im Herze wiise isch wird verständig gnennt, und wer fründlich redet het grösseri Überzügigskraft.

22 Isicht isch e Quelle vom Läbe für die wo si bsitze, doch Dummi wärde durch ihri eigeti Dummheit bestraft.

23 S Härz vom Wise git sim Muul Iisicht und sini Wort händ grösseri Überzüügigskraft.

24 Aagnehm Wort sind e Honigwab, süess für d Seele und Heilig für d Glieder.

25 Es git en weg wo eim mensch richtig erschiint, doch am endi füehrt er in tod.

26 De Apetit vomene Arbeiter laht en hert schaffe, de sin Hunger tribt en aa.

27 En nutzlose Maa gräbt Schlächts us, sini Wort sind wie es versengends Füür.

28 En Unruehestifter schafft Uniheit und en Verlümder trennt engi Fründe.

29 En gwalttätige Mensch verleitet sin Mitmensche und füehrt en uf de falsche Wäg.

30 Er zwinkert mit de Auge während er Intrige plant. Er presst die Lippe zäme während er Unheil arichtet.

31 Graues Haar isch e schöni Chrone, wenn sie ufem Wäg vo de Gerechtigkeit gfunde wird.

32 Wer nöd schnell zornig wird isch besser als en Starker, und wer sis Temperament beherrscht isch besser als eine wo e Stadt iinimmt.

33 Das Los wird in Schoss gworfe, doch jedi Entscheidig dadurch chunnt vo Jehova.