üsi-bible-uf-züridütsch

Sprüch Kapitel 4

4:1 Hört, mini Söhn, uf d Erziehig vomne Vater, passt guet uf, damit ihr verständig werded.

 2 Denn ich wird eu guet aleite. Verlönd mini Lehr nöd.

 3 Ich bi mim Vater en echte Sohn gsi und de wo mini Muetter bsunders gliebt het.

 4 Er het mich glehrt und gseid: "Bewahre mini Wort fescht i dim Härze. Befolg mini Awisige und blib am Läbe.

 5 Erwirb Wisheit, erwirb Verständnis. Vergiss nöd was ich säge, und wänd dich nöd devo ab.

 6 Gib sie nöd uf und sie wird dich beschütze. Liebi sie und sie wird dich behaupte.

 7 Wiisheit isch s wichtigste drum erwirb sie dir, und zämä mit allem was du erwirbsch erwiirbsch, Verständnis.

 8 Schätz sie überuus und sie wird dich erhöhe. Sie wird dich ehre, will du sie umarmsch.

 9 Sie wird dir en schmückende Chranz uf de Chopf setze. Sie wird dich mitere schöne Chrone schmücke."

10 Hör zue, min Sohn und nimm mini Wort ah und du wirsch viel Jahr lebe.

11 Ich wird dich im Weg vode Wiisheit aleite. Ich wird dich uf de Spure vo de Ufrichtigkeit führe.

12 Wennd gahsch wird nüt dini Schritt behinderet. Wennd laufsch wirsch nöd stolperiere.

13 Halt a de Erziehig fest wod überchunnsch - lass sie nöd los. Behüte sie, denn sie bedütet Lebe für dich.

14 Betritt nöd de Pfad vo de Böse und gang nöd uf em Weg schlechter Mensche.

15 Meide ihn, schlag ihn nöd ih! Wänd dich vo ihm ab und gang dra verbii.

16 Denn sie chönd nöd schlofe, es segi denn, sie hend schlächti gmacht. Es raubet ihne de schlaf, wenn sie nöd öpper chönnd untergang verbiifüehre.

17 Denn sie ernähred sich vum Brot vu d Schlechtigkeit und trinked de Wi vu de Gwalt.

18 Aber de Weg vode Grächte isch wie hells Morgeliecht, das heller und heller wird bis zum volle Tagesliecht.t

19 De Wäg vo de Böse isch wie d Dunkelheit. Sie wüssed nöd, was sie zum Stolper bringt.

20 Min sohn, achte uf mini Wort. Los guet zue was ich dir säge.

21 Verlüret sie nöd us de Auge. Phaltet sie tüüf im Herze.

22 Denn sie bedütet Lebe für die wo sie finde, und Gsundheit für ihre ganze Körper

23 Mehr als alles andere beschützed dis Herz, denn ihm entspringed d Quelle vom Läbe.

24 Leg verkehrti Wort ab, halt dich vo verlogenem Gerede fern.

25 Lah dini Auge graduus luege, ja konzentriere din Blick uf das wo vor dir liit.

26 Ebe de Wäg für din Fuess und all dini Wäg werded sicher sii.

27 Biege weder nach rechts no nach links ab. Lenk din Fuess vo dem weg, was schlächt isch.

Sprüch Kapitel 3

3:1 Min Sohn, vergiss nöd mini Lehr und halt dich vo ganzem Herze a mini Gebot,

 2 den sie werded dir viel Täg und Läbesjahr und Friede hinzuefüege.

 3 Loyale Liebi und Treue sölled dich nöd verlah. Binds um din Hals. Schrib sie uf d Tafle vo dim Herz.

 4 Denn wirsch bi Gott und de Mensch Anerkennig finde und als Mensch mit Ihsicht gälte.

 5 Vertraue uf Jehova mit dim ganze Herz und verlass dich nöd uf din eigne Verstand.

 6 Beachte ihn uf all dine Wäg und er wird dini Pfadi ebne.

 7 Betracht dich nöd sälber als wiis. Han Ehrfurcht vor Jehova und wend dich vom Schlechte ab.

 8 Das wird din Körper Heilig bringe und dini Glieder ufläbe loh.

 9 Ehre Jehova mit em Chostbare wo du bsitzisch mit em erste Ertrag vo allem wo dis Land abwirft.

10 Dänn werded diini Vorratshüser randvoll werde und dini Cheltere werded vo neuem Wy überflüsse.

11 Min Sohn, lehn d Erziehig vo Jehova nöd ab und verabscheu nöd d Zrechtwiisig vo ihm,

12 wo Jehova wiist den zurecht, den er liebt, wie en Vater en Bue, den er gern het.

13 glücklich isch de mensch wo wiisheit findet wo sich unterscheidigsvermöge aneignet.

14 Sie z'erwerbe isch besser als Silber z'erwerbe und sie als Gwünn z'erhalte besser als Gold.

15 Sie isch kostbarer als Koralle. Nüt wo du dir wünschisch chömed ihr grad.

16 I de rächte Hand hebt si es langs Läbe, i de linke Riichtum und Herrlichkeit.

17 Ihri Wäg sind agnehm, all ihri Pfade sind friedlich.

18 Für die wo sie fescht hebed isch sie en Baum vom Läbe und wo sie nüme loslönd sind glücklich z'nenne.

19 Jehova hät mit Wiisheit s Fundament vo de Erde gleit. Em Himmel hät er mit Unterscheidigsvermöge feschte Bestand gä.

20 Dur sini Erkenntnis sind d'Wassertiefe teiltund us em Wolkenhimmel het de Tau tropfe.

21 Min Sohn, verliere das nöd us de Auge. Bewahri praktischi Wisheit und Dänkfähigkeit.

22 Sie werded für dich Lebe bedüte und din Hals schmücke.

23 Denn wirsch din Wäg in Sicherheit gah und din Fuess wird niene astosse.

24 Wennd dich schlafe legsch wirsch kei Angst ha. Du wirsch dich hiile und guet schlafe.

25 Du wirsch dich vor nüt fürchtä, was dich plötzlich in Schreckä versetzä chönt, au nöd vorem Sturm wo uf die Böse zuechunnt.

26 Denn Jehova wird d Quelle diner Zueversicht si. Er wird din Fuess vor de Falle bewahre.

27 Enthalte dene nüd Guets vor wos zuestaht, wenns i dinere Macht liit zhälfe.

28 Säg nöd zu dim Mitmensche: "Gang weg, chum spöter wieder! Ich gib's dir morn" wenns jetzt chasch gä.

29 Schmiede kei böse Plän gäge dine Mitmensche, wenn er sich i dinere Nöchi in Sicherheit wiegt.

30 Striit dich nöd ohni Grund mit öpperem, wenn er dir nüt Böses tah hät.

31 Beneid nöd de Gwalttätige und wähl keini vo sinere Wäg.

32 De Jehova verabscheud de wo hinderhältig isch, aber de Ufrichtige ghört sini engi Fründschaft.

33 De Fluch Jehovas liit ufem Huus vom Böse aber das Dehei vom Grechte segnet er.

34 Denn über d Spötter macht er sich luschtig aber de Sanfte schenkt er sini Gunst.

35 D Wiise werded Ehr erbe, aber die Dumme sind stolz uf Unehr.

Sprüch Kapitel 2

2:1 Min Sohn, wennd mini wort ahnimmsch und mini gebote ufbewahrsch wie en schatz,

 2 idem de Wiisheit ufmerksam zuelosisch und dis Herz em Unterscheidigsvermöge zwändisch,

 3 wänd usserdem nach verständnis rüefsch und nach Unterscheidigsvermöge luut rüefsch,

 4 wänd unufhörlich nach silber und ständig nachher gräbsch wie nach verborgenä schätzä,

 5 den wirsch verstah was Ehrfurcht vor Jehova bedütet, und du wirsch Gott kennelerne.

 6 Denn es isch Jehova, de Wiisheit git. Us sim Muul chömed Erkenntnis und Unterscheidigsvermöge.

 7 Für die Ufrichtige bewahrt er praktischi Wiisheit uf. Für die wo de Wäg vo de Integrität gönd ischer es Schild.

 8 Er wacht über d Pfadä vom Rächt und behüetet de Wäg vo sim Loyal.

 9 Du wirsch dänn verstah, was richtig, grächt und fair isch - alles wo en guete Läbenswäg usmacht.

10 Wänn Wiisheit i dis Herz dringt und Erkenntnis Dinere Seel Freud macht,

11 dänn wird Dänkfähigkeit uf dich ufpasse, und Unterscheidigsvermöge wird dich beschütze,

12 um dich vor em schlechte Wäg z bewahre vor däm Mensch, der vudreht Asichte üsseret,

13 vor dene wo die grad Pfade verlönd zum uf de Weg de Finsternis z gah,

14 vo dene wo über schlächti Tate juble wo a de Abartigkeit vom Böse Freud findet,

15 die chrummi wäg göi wo ganz Lebensweg id irre füehrt.

16 Das wird für dich en Schutz sii vor de verdorbene Frau, vor de glatte Wort vo de unmoralische Frau,

17 wo de vertraute Fründ vo ihrem Jugend verlaht und de Bund vo ihrem Gott vergisst.

18 Ihres Huus versinkt nämlich im Tod und ihri Wäg füehred zu de im Tod Chraftlose.

19 Keine, wo sich mit ihre iilaht, wird zruggkehre, zu de Pfade vom Läbe wird er nöd zruggfinde.

20 Gang also de Wäg de Guete und blib uf de Pfade vo de Grächte,

21 den nur die ufrichtige werded uf de erde läbe, und wer sich nüt zueschulde laht, wird det bliibe.

22 Die Böse degäge werded vo de Erde entfernt, die Treulose werded vo ihrere weggrisse.