-
Rico Loosli 6934 Bioggio
-
Zugriffe: 550
Hiob 16 vo 42
Hiob 16 vo 42
16:1 Hiob erwideret:
2 "Wie oft hani so öppis scho ghört!
Ihr alli sind elendi Tröschter!
3 Nähme leeri Wort denn nie es ends?
Was provoziert dich so z antworte?
4 Ich chönnt au so rede wie ihr.
Wänn ihr a minere Stell wäred,
chönt ich überzügendi Rede geg euch schwinge
und de Chopf über euch schüttle.
5 Doch stattdesse würi eu mit de Wort vo mim Muul stärche
und de Trost vo minere Lippe würd Erliechterig bringe.
6 Red ich, so wird mis Schmerz nöd liechter,
und hör ich uf rede, wird mis Schmerz au ned weniger.
7 Doch jetzt het Gott mich zur Erschöpfig brocht.
Er het mini ganzi Huusgmeinschaft zgrunde grichtet.
8 No dezue packt er mich und das dient als Bewiis.
Mini eigeni Magerheit staht als Züg uuf und chlagt mi is Gsicht aa.
9 Sei Zorn het mich zerrisse er feindet mich a
und knirscht mit de Zähn.
Min Gegner durchbohrt mich mit sim Blick.
10 Sie händ ihres Muul wiit uufgrisse
und mir verächtlich uf d Wange gschlage.
In grosser Zahl tüends sich geg mich zeme.
11 Gott übergit mi junge Bursche
und stöst mi in d Händ vo de Böse.
12 i bi sorgefrei gsi aber er het mi zerschlage.
Er het mich am Nacke packt und verschmätteret mich.
Dänn hät er mich zu sinere Zielschiibe gmacht.
13 Sini Böögeschütz umringet mich.
Er duurebohrt mis Niere und empfindet kei Mitgfühl.
Er schüttet mini Galle uf de Bode.
14 En Bresche nach de andere schlaht er in mich.
Wie en Chrieger stürmt er gäg mich aa.
15 Ich han Sacktuech zämegfasst zum mini Huut z bedecke,
und mini Würd hani im Staub begrabe.
16 Mis Gsicht isch grötet vom Gränne
und uf miini Augelider het sich tüüfer Schatte gleit,
17 obwohl mini Händ kei Gwalt verüebt händ
und mis Gebet dri isch.
18 O Erde, bedecke nöd mis Bluet!
Für mis Gschrei sölls kein Ruheort geh!
19 Selbst jetzt hani en Züge im Himmel.
I de Höchi isch de wo für mich ussäge chan.
20 Mini Fründe mached sich über mich lustig,
während mis Aug vor Gott träne vergisst
21 Öpper söll zwüsche Maa und Gott als Vermittler uufträtte
wie zwüschet eme Maa und sim Mitmensche.
22 Denn es sind nur na wenigi Jahr,
und ich wird ufm Pfad weg gah wos kei Rückkehr git.