-
Rico Loosli 6934 Bioggio
-
Zugriffe: 577
Hiob 8 vo 42
Hiob 8 vo 42
8 Bịldad, de Schuchịter, erwideret dänn:
2 "Wie lang wirsch na so rede?
Die Wort vo dim Muul sind doch nur en chräftige Windstoss!
3 Wird Gott öppe s Recht verdrehe?
Wird de Allmächtigi d Gerechtigkeit verdräie?
4 Wänn dini Söhn gäge ihn gsündet händ,
de het er si für ihri Uflehnig bestrafe lah.
5 Doch wennd eifach nur zu Gott blickend
und de Allmächtige um Gunst aalege würsch
6 und wänn du würkli drii und Ufrichtig wärsch,
de wür er dir Ufmerksamkeit schänke
und dich det zrugg bringe, wo du rächtmässig aneghörsch.
7 Und isch din Afang au chli gsi,
dini Zuekunft würd gross si.
8 Frag doch bitte die früehner Generation,
und achte uf das, wo ihri Vätere usegfunde händ.
9 Denn gester ersch simmer gebore worde und wüssed nüt, will eusi Täg uf de Erde en Schatte sind.
10 Werded sie dich nöd belehre
und dir säget was sie wüsset?
11 Wird e Papyruspflanze id Höchi wachse wo kei Sumpf isch?
Wird en Schilfrohr ohni Wasser ufeschüsse?
12 Wenns no Chnospe triibt und nanig gschnitte isch,
wirds eher als jedi anderi Pflanze vertrockne.
13 So gahts mit allne us wo Gott vergesse
Denn d Hoffnig vum Gottlose wird vugoh.
14 Sini Zuversicht isch vergeblich
und sis Vertraue isch so schwach wie en Spinnnetz.
15 Er wird sich a sis Huus lähne, doch es wird nöd stah bliibe.
Er wird versueche sich dra festzhalte, aber es wird nöd standhalte.
16 Er isch en guet bewässerti Pflanze i de Sunne
und sini Triib breitet sich im Garte us.
17 Imene Steihuufe händ sich sini Wurzle verflächt.
Zwüsche de Stei suecht er nach eme Dihei.
18 Doch wenn er vo sim Standort usgrisse wird,
wird de Ort en ablehne und sege: 'Ich han dich nie gseh'.
19 Ja so wird er verschwinde,
und dänn sprüssed anderi usem Staub.
20 Gott wird ganz bestimmt keine zruggwiese, wo sini Integrität bewahrt.
Und schlächti Mensche wird er nöd unterstütze.
21 Er wird dis Muul na mit Lache erfülle
und dini Lippe mit Fröidrüef.
22 Die dich hassed, werded in Schand ghüllt werde,
und s Zelt vo de Böse wird nüme da sii.