GTranslate Wähle deine Sprache

Suchen und Finden

üsi-bible-uf-züridütsch

Rico Loosli 6934 Bioggio
in üsi-bible-uf-züridütsch
Zugriffe: 470

3.Moses 7 vo 27

 

3.Moses 7 vo 27

7:1 Fürs Schuldopfer gilt folgendes Gsetz: Es isch öppis Hochheiligs.

2 Das Schuldopfer söll a dem Ort gschlachtet werde, wo d Brandopfer gschlachtet werded, und sis Bluet söll a alli Siite vom Altar gumpet werde.

3 Mer söll alles Fett darbringe, de Fettschwanz, s Fett, wo d Iigweide bedeckt,

4 und die beide Niere mit ihrem Fett, wo i de Ländegänd isch. Au s Fett a de Läber söll zäme mit de Niere entfernt wärde.

5 De Priester söll alles ufm Altar als Füüropfer für Jehova in Rauch ufgah lah. Es isch en Schuldopfer.

6 Jedi männlichi Person under de Priester sölls esse. Es söll amene heilige Ort gässe werde. Es isch öppis Hochheiligs.

7 Das Gsetz für das Sündopfer gilt au für de Schuldopfer. Es ghört em Prieschter wo demit Süne leischtet.

8 Wänn de Prieschter für öper s Brandopfer därft, söll ihm d Hut vom Brandopfer ghöre, wo ihm bracht worde isch.

9 Jedes Getreideopfer wo im Ofe backe oder i de Pfanne oder uf de Backplatte zuebereitet wird, ghört em Prieschter wo's darbringt. Es söll ihm ghöre.

10 Doch jedes Getreideopfer wo mit Öl vermischt oder das troche isch, söll zu gliiche Teil under allne Söhn Aarons uufteilt werde.

11 Fürs Gmeinschaftsopfer, wo öpper Jehova darbringt, gilt folgendes Gsetz:

12 Wenn ers als Usdruck vom Dank opferet, söll er zäme mit em Dankopfer ungsüürete Ringbrot us Ölteig darbringe, ungsüüri, mit Öl bestricheni Fladebrot und Ringbrot us Fiinmehl, wo guet mit Öl vermischt und vermängt worde isch.

13 Er söll mit de als Dankopfer darbrachte Gmeinschaftsopfer au gsüüerti Ringbrot opfere.

14 Vo de Opferbrot söll er je eis als heilige Aateil für Jehova darbringe. Es söll em Prieschter ghöre, wo s Bluet vo de Gmeinschaftsopfer versprengt.

15 S'Fleisch wo als Dankopfer darbrochtete Gmeinschaftsopfer söll a dem Tag gässe werde, wo's gopfert wird. Nüd devo dörf bis zum Morge ufghobe werde.

16 Isch s Opfer en Gelübdeopfer oder es freiwilligs Opfer, sölls a dem Tag gässe werde wos darbracht wird. Was devo übrig isch, chan au na am nächste Tag gässe werde.

17 Was aber vo dem Opferfleisch am dritte Tag na übrig isch, söll verbrennt werde.

18 Wird jedoch vo dem Fleisch vom Gmeinschaftopfer am dritte Tag no öppis gässe, denn wird de Opferde kei Anerkennig finde. Es wird ihm nöd agrechnet werde. Es isch eppis aastössigs, und wer öppis devo isst, söll sich für sis Vergehe verantworte.

19 fleisch wo mit irgendöppisem unreinem in berüerig chunnt döf nid gässe werde. Es söll verbrennt werde. Jede wo dri isch, dörf das reine Fleisch esse.

20 Aber öpper wo unrein isch und s Fleisch vom für Jehova bestimmte Gmeinschaftsopfers isst, dä muess us sim Volk entfernt wärde.

21 Falls öpper öppis Unreins berüehrt – entweder d Unreinheit vomene Mönsch oder es unreins Tier oder irgendöppis widerlichs wo unrein isch – und öppis vo dem Fleisch vom für Jehova bestimmte Gmeinschaftsopfers isst, mues er us sim Volk entfernt werde.‘“

22 Wiiter het Jehova zu Moses gseit:

23 "Teili den Israeliten mit: 'Ihr dürfed kein Fett vomene Stier, em junge Schofbock oder ere Geiss esse.

24 S Fett eis tot ufgfundene Tier und s Fett vomene Tier wo vomene andere Tier umbrocht worde isch, cha für irgendwelchi andere Zwäck verwändet werde, nur esse dörfed ihrs uf kein Fall.

25 Wer Fett vomene Tier isst wo er Jehova als Füüropfer darbringt mues us sim Volk entfernt werde.

26 Ihr dörfed a keinem vo de Ort wo ihr wohnet, Bluet esse, weder vo Vögel no vo andere Tier.

27 Weer irgendwelches Bluet isst, muess us sim Volk entfernt werde.

28 Jehova het wiiter zu Moses gseit:

29 "Teile den Israeliten mit: 'Wer Jehova sein Gemeinschaftsopfer darbringt, soll Jehova en Teil des Gemeinschaftsopfers als Opfergabe bringen.

30 Er söll mit eigete Händ s Fett zäme mit de Brust als Füüropfer für Jehova bringe unds als Schwingopfer vor Jehova hin und herschwinge.

31 De Prieschter sölls Fett uf em Altar in Rauch ufgah lah, aber de Brust söll Aaron und sin Söhn ghöre.

32 Ihr sötted am Prieschter de rechte Schenkel vo eune Gmeinschaftsopfere als heilige Aateil geh.

33 De rächti Schänkel söll am Sohn Aaron als Ateil ghöre wo s Bluet und s Fett vo de Gmeinschaftsopfer darbringt.

34 Ich nimm nämlich de Brust vom Schwingopfer und de Schenkel vom heilige Aateil vo de Gmeinschaftsopfer vo Israelite und gib sie em Prieschter Aaron und sinne Söhn. Die Vorschrift gilt für d Israelite uf Duur.

35 Das isch de Aateil vo de Füüropfer Jehovas gsi, wo für d Prieschter – für de Aaron und sini Söhn – biiseitegleit werde sött a dem Tag, wo sie herbrocht worde sind, zum Jehova als Prieschter diene.

36 Uf Jehovas Anordnig ane söttet sie dä Ateil am Tag vo ihrere Salbig vo dä Israelite erhalte. Die Bestimmig gilt für ihri Generatione uf Duur.'"

37 Das isch s Gsetz fürs Brandopfer, s Getreideopfer, s Sündeopfer, s Schuldopfer, s Iisetzigssopfer und d Gmeinschaftsopfer,

38 sowie Jehova s Moses ufem Berg Sịnai a dem Tag aagordnet het, wo er d Israelite aweset, Jehova i de Wildnis Sịnai ihri Opfergabe darzbringe.

 

Rico Loosli 6934 Bioggio
in üsi-bible-uf-züridütsch
Zugriffe: 475

3.Moses 6 vo 27

 

3.Moses 6 vo 27

6:1 Jehova het wiiter zu Moses gseit:

2 "Falls öpper sündiget und gegenüber Jehova untreu handlet, indem er sin Mitmensche in Verbindig mit öppis tüüscht, wo ihm avertrut oder zur Ufbewahrig gä worde isch, oder wenn er ihn bestiehlt oder betrügt

3 oder wenn er öppis verlorene findet und debi unehrlich isch, und wenn er bi irgendere derartige Sünd falsch schwört, denn gilt Folgendes:

4 Falls er gsündet het und schuldig isch, mues er zrugg geh was er gstohle het, was er er sich dur betrug verschafft het, was mer ihm avertrut het oder de verlorene woner gfunde het,

5 oder irgendöppis woner falsch gschwore hät – er muen defür volle Ersatz leistend und na en Füftel vom Wert dezue gä. Er sölls am Bsitzer a dem Tag gä wo sini Schuld bewise isch.

6 Als Schuldopfer für Jehova söll er entsprechend em Schätzwert en fehlerlose Schoofbock vo de Chliievhärde zum Prieschter bringe; es isch en Schuldopfer.

7 De Priester söll vor Jehova für ihn Sühn leiste, und es wird ihm alles vergäh wodurch er sich schuldig gmacht het."

8 Wiiter het Jehova zu Moses gseit:

9 "Gib Aaron und seine Söhnen die Aawiisungen: "Für das Brandopfer gilt folgendes Gsetz: Das Brandopfer söll die ganz Nacht bis zum Morge uf de Füürstell ufem Altar bliibe und s Füür uf em Altar söll ständig brenne.

10 De Prieschter söll sis Amtsgwand us Line alegge und sin Körper mit de churze Hose us Line bedecke. Denn söll er die Äsche vom Brandopfer, wo im Füür uf em Altar verbrennt isch, entfärne und näbed em Altar schütte.

11 Er söll sich anderi Chleider aalegge und denn d Äsche an en reine Ort usserhalb vom Lager bringe.

12 S Füür uf em Altar söll in Brand ghalte werde. Es dörf nöd usgah. De Priester muess jede Morge Holz druf verbrenne und s Brandopfer drüber zrächtlege. Er söll s Fett vo de Gmeinschafts¬opfer druf in Rauch ufgah lah.

13 Uf em Altar söll ständig es Füür brenne. Es dörf nöd usgah.

14 Da jetz s Gsetz fürs Getreideopfer: D Söhn Aarons sölleds vor Jehova vor de Altar bringe.

15 Eine vo dene söll e Handvoll vom Fiinmehl vom Getreideopfer näh mit öppis vo em Öl und de ganz Wiihroch, wo uf em Getreideopfer isch. Er sölls für Jehova uf em Altar als symbolischs Opfer mit eme agnähme Gruch in Rauch ufgah lah.

16 Was devo übrig isch sölled de Aron und sini Söhn esse.q Es söll als ungsäuerts Brot amene heilige Ort gässe werde. Si sölleds im Vorhof vom Zält vo de Zämekunft ässe.

17 Es darf nöd mit Suurteig bache werde. Ich hans ihne als ihre Aateil a mine Füüropfer geh. Es isch öppis Hochheiligs, wie s Sündopfer und s Schuldopfer.

18 Jedi männlichi Person under de Söhn Aarons sölls esse. Es isch uf Duur ihres Aateil a de Füüropfer Jehovas vo Generation zu Generation. Alles wo demit i Berüerig chunnt wird heilig werde.

19 Jehova het wiiter zu Moses gseit:

20 "Aaron und sini Söhn sölled a dem Tag woner gsalbt wird, Jehova folgendi Opfergabe darbringe: es zehntel Ẹphaa Feinmehl als regelmässigs Getreideopfer, e Hälfti devo am Morge und die ander am Abig.

21 Es söll mit Öl ufere Backplatte zubereitet werde. Es söll guet mit Öl vermischt sii und in Stück darbracht werde, als gebacknigs Getreideopfer mit eme agnähme Gruch für Jehova.

22 De gsalbti Prieschter, won im us de Reihe vo sinere Söhn noofolgt, sell s zuebereite. Als Duurhafti Vorschrift gilt: Es söll als Ganzopfer für Jehova in Rauch ufgah.

23 S'Getreideopfer vomene Prieschter söll immer en Ganzopfer sii. Es darf nöd gässe werde."

24 Wiiter het Jehova zu Moses gseit:

25 "Teile Aaron und seinen Söhn mit: 'Für das Sündopfer gilt folgendes Gsetz: A dem Ort wo das Brandopfer gschlachtet wird, söll au s Sündopfer vor Jehova gschlachtet werde. Es isch öppis Hochheiligs.

26 De Prieschter, wo das Sündopfer darstellt, söll es ässe. Es söll amene heilige Ort gässe werde, im Vorhof vom Zält vo de Zämekunft.

27 Alles, wo mit sim Fleisch in Berüerig chunnt, wird heilig werde, und wenn irgendöpper öppis vo sim Bluet uf sini Chleidig sprützt, söll das mit Bluet bespritzti Chleidigsstück ame heilige Ort gwäsche werde.

28 S'Tongefäss wo s'Fleisch kocht worde isch, söll zerschlaa werde. Ischs aber ime Chupfergfäss kochet worde, dänn mues s Gfäss gschüürt und mit Wasser abgwäsche werde.

29 Jedi männlichi Person under de Priester sölls esse. Es isch öppis Hochheiligs.

30 En Sündopfer, vo dem Bluet öppis is Zelt vo de Zämekunft brocht wird, zum a dem heilige Ort Sühn z leiste, döf jedoch nöd gässe werde. Es söll verbrennt werde.

 

Rico Loosli 6934 Bioggio
in üsi-bible-uf-züridütsch
Zugriffe: 476

3.Moses 5 vo 27

 

3.Moses 5 vo 27

5:1 Falls öpper sündiget will er über öppis nöd uussit wovo er züg worde isch oder was er gseh het oder erfahre het, obwohl er en öffentliche ufruef zu de Zügenussag ghört het, denn söll er sich für sis vergehe verantworte.

2 Oder wänn öpper unbewusst irgend öppis Unreins berührt – öb de toti Körper vomene unreine Wildtier, emene unreine Huustier oder irgendwelchem unreine Klingetier, dänn isch er unrein und hät sich schuldig gmacht.

3 Oder wänn öpper unbewusst d Unreinheit vomene Mensch berüehrt – irgendöppis Unreins, wo ihn cha unrein mache – und s ihm dänn bewusst wird, macht er sich schuldig.

4 Oder falls öpper unüberleit schwört öppis z'tue - ganz glich öbs öppis guets oder öppis schlechts isch - und ihm hinderher bewusst wird, dass er unüberleit gschwore het, macht er sich schuldig.bd

5 Macht er sich i eim vo dene Fäll schuldig, mues er sini Sünde bekenne.

6 Au söll er Jehova für die begangeni Sünde en Schuldopfer bringe, und zwar es wiiblichs Tier vo de Chliibviehherde, entweder es Lamm oder e jungi Geiss, als en Sündopfer. Denn söll de Prieschter für ihn Süne leiste für sini Sünde.

7 Chan er sich jedoch keis Schof leiste, söll er Jehova als Schuldopfer für sini Sünde zwei Turteltuube oder zwei jungi Tuube bringe, eini als Sündopfer und eine als Brandopfer.

8 Er söll se zum Prieschter bringe und de wird zersch eini vo de beide als Sündopfer darbringe. Er söll ihre de Chopf am Genick abknicke, ohni en abztrenne.

9 Er söll öppis vo dem Bluet vom Sündopfer ad Siite vom Altar sprütze. De Rescht vom Bluet söll er am Sockel vom Altar uslaufe lah. Es isch en Sündopfer.

10 Die ander söll er als Brandopfer nach em übliche Verfahre behandle. De Prieschter söll für ihn Süne leischte für d Sinde, won er begange het, und es wird ihm vergäh werde.

11 Chan er sich au kei zwei Turteltuube oder zwei jungi Tuube leiste, dänn söll er als Opfergabe für sini Sünd en zehntel Ẹphaal Feinmehl als Sündopfer bringe. Er söll kei Öl dezue tue und kei Wiehrauch druflegge, denn es isch en Sündopfer.

12 Er sölls zum Prieschter bringe und de Prieschter söll e Handvoll devo als symbolischs Opfer ufem Altar uf de Füüropfer Jehovas in Rauch ufgah lah. Es isch en Sündopfer.

13 De Prieschter söll für ihn Süne leischte für die Sünd, won er begange het, für jedi vo dene Sinde, und es wird ihm vergäh werde. De Rest vom Opfer ghört em Prieschter, genauso wie bim Getreideopfer.

14 Wiiter het Jehova zu Moses gseit:

15 "Falls sich öpper us Versehe a öppis versündet wo für Jehova gheiligt isch, und dadurch untreu handlet, söll er Jehova als Schuldopfer en fehlerlose Schoofbock vo de Chliviehherde bringe. Sin Wert in Silberschekel wird nach em Standardschekel vom Heiligtum feschtgleit.

16 Er söll für die Sünd woner geg de heilige Ort agfange het, Ersatz leiste und no es Füftel vom Wert dezue gä. Er sölls em Prieschter gä, demit de Prieschter mit em Schofbock als Schuldopfer für ihn Sühn chan leiste, und es wird ihm vergäh.

17 Wenn öpper sündigt indem er unbewusst irgendöppis tuet wo Jehova verbote het, ischer schuldig. Er söll sich für sis Vergehe verantworte.

18 Er söll am Prieschter als Schuldopfer en fehlerlose Schafbock vo de Chliiehherde bringe – entsprechend em Schätzwert. De Prieschter söll den für ihn Sühn leiste für de unabsichtliche Fehler, won er unbewusst begange het, und es wird ihm vergäh.

19 Es isch en Schuldopfer. Er het ämel geg Jehova gsündet und sich so schuldig gmacht."

 

Rico Loosli 6934 Bioggio
in üsi-bible-uf-züridütsch
Zugriffe: 606

3.Moses 4 vo 27

 

3.Moses 4 vo 27

4:1 Jehova het wiiter zu Moses gseit:

2 "Teile den Israeliten mit: 'Falls jemand aus Versehen sündigt indem er irgendwas tut wo Jehova verboten hat, gilt Folgendes:

3 Wänn de gsalbti Priester sündiget und Schuld ufs Volk ladet, dänn söll er Jehova für die Sünd wo er begange hät en fehlerlose junge Stier als Sündopfer darbringe.

4 Er söll de Stier an de Igang vom Zelt vo de Zämekunft vor Jehova bringe und sini Hand uf de Chopf vom Stier lege und er söll de Stier vor Jehova schlachte.

5 Denn söll de gsalbti Prieschter öppis vom Bluet vom Stier neh und s is Zelt vo de Zämekunft bringe.

6 De Prieschter söll sin Finger is Bluet tauche und öppis vo dem Bluet siebemol vor Jehova vor de Vorhang vom heilige Ort sprütze.

7 De Prieschter söll au öppis vo dem Bluet uf d Hörner vom Rüücheraltar tue, wo vor Jehova im Zält vo de Zämekunft staht. Das räschtliche Bluet vom Stier söll er a de Sockel vom Brandopferaltar am Iigang vom Zält vo de Zämekunft güsse.

8 Dänn söll er vom Sündopferstier alles Fett entferne, und zwar s Fett, wo d Iigweide bedeckt, und s Fett, wo um d Iigweide ume isch,

9 und die beide Niere mit em Fett dra wo i de Ländegänd isch. Er söll au s Fett a de Läber zäme mit de Niere entferne.

10 Es söll s gliiche entfernt werde wie bimene Stier wo als Gmeinschafts¬opfer darbrocht wird. De Prieschter söll alles uf em Brandopferaltar in Rauch ufgah lah.

11 Die Huut vom Stier jedoch und sis ganze Fleisch mitem Chopf, de Unterschänkle, de Iigweide und ihrem Inhalt

12 also alles Übrige vo dem Stier – söll er usserhalb vom Lager anen reine Ort bringe laa, daa wo mer d Äsche aneschüttet. Er söll s uf eme Holzfüür verbränne. Es sell do verbrennt werde, wo mer d Äsche aneschüttet.

13 Agnoh, die ganz Gmeind Israel ladt dur e unabsichtlichi Sünd Schuld uf sich, aber es isch de Versammlig nöd bewusst dass sie öppis gmacht het wo Jehova verbote het.

14 Wänn d'Sünd dänn bekannt wird, mues d'Versammlig en junge Stier als Sündopfer darbringe und en vor s'Zält vo de Zämekunft füehre.

15 Die Ältiste vo de Gmeind sölled vor Jehova ihri Händ uf de Chopf vom Stier lege und de Stier söll vor Jehova gschlachtet werde.

16 Dänn söll de gsalbti Prieschter öppis vom Bluet vom Stier is Zelt vo de Zämekunft bringe.

17 De Prieschter söll sin Finger is Bluet tauche und öppis devo siebemal vor Jehova vor de Vorhang sprütze.

18 Er söll dänn öppis vo dem Bluet uf d Hörner vom Altar tue, wo im Zält vo de Zämekunft vor Jehova staht. Das räschtliche Bluet söll er a de Sockel vom Brandopferaltar am Iigang vom Zält vo de Zämekunft güsse.

19 Er söll das ganze Fett entferne und es uf em Altar in Rauch ufgah lah.

20 Mit dem Stier söll genauso verfahre werde wie mitem andere Sündopferstier. So söll ers mache. De Prieschter söll für sie Süne leiste und es wird ihne vergäh.

21 Er söll de Stier vors Lager usebringe lah und ihn verbrenne, so wie er de ersti Stier verbrennt het. Es isch en Sündopfer für d Versammlig.

22 Wenn en Vorsteher unabsichtlich sündiget indem er irgendöppis tuet wo Jehova sin Gott verbote het und sich so schuldig macht

23 oder wenn er sich einere Sünd bewusst wird, dur die er gege es Gebot verstosse hät, dänn söll er als Opfergabe en fehlerlose junge Geissbock bringe.

24 Er söll sini Hand uf de Chopf vom junge Bock lege und ihn a dem Ort schlachte, womer s Brandopfer vor Jehova schlachtet. Es isch en Sündopfer.

25 De Prieschter söll mit sim Finger öppis vo dem Bluet vom Sündopfer neh und uf d Hörner vom Brandopferaltar tue. Das räschtliche Bluet söll er a de Sockel vom Brandopferaltar güsse.

26 S'ganze Fett söll er wie s'Fett vom Gmeinschaft ¬opfer uf em Altar in Rauch ufgah lah. De Prieschter söll für ihn Süne leiste für sini Sünde und es wird ihm vergäh.

27 Wenn öpper vom Volk vom Land unabsichtlich sündiget und sich schuldig macht indem er öppis tuet wo Jehova verbote het,

28 oder wenn er sich enere Sünd bewusst wird, woner agfange het, dänn söll er als Opfergabe für sini Sünd es fehlerloses jungs Geisswiebli bringe.

29 Er söll sini Hand uf de Chopf vom Sündopf legge und a dem gliiche Ort schlachte wie s Brandopfer.

30 De Prieschter söll mit sim Finger öppis vom Bluet näh und uf d Hörner vom Brandopferaltar tue. Das räschtliche Bluet söll er an de Sockel vom Altar güsse.

31 Er söll alles Fett entferne, so wie s Fett vom Gmeinschaftsopfer entfernt wird, und de Prieschter sölls uf em Altar in Rauch ufgah la zum en agnähme Gruch für Jehova z'erzüge. De Prieschter söll für ihn Süne leiste und es wird ihm vergäh.

32 Bringt er aber es Lamm als Sündopfer, söll es fehlerloses wiblichs Tier sii.

33 Er söll sini Hand uf de Chopf vom Sündopf lege und s als Sündopfer a dem Ort schlachte, wo s Brandopfer gschlachtet wird.

34 De Prieschter söll mit sim Finger öppis vom Bluet vom Sündopfer neh und uf d Hörner vom Brandopferaltar tue. Das restliche Bluet söll er an de Sockel vom Altar güsse.

35 Er söll alles Fett entferne, genauso wie s Fett vom junge Schafbock bim Gmeinschaftsopfer entfernt wird, und de Prieschter sölls uf em Altar uf de Füüropfer Jehovas in Rauch ufgah lah. De Prieschter söll für ihn Süne leischte für d Sinde, won er begange het, und es wird ihm vergäh werde.